Maktabgacha va maktab ta’limi vazirligi yangi o‘quv yilidan boshlab maktablarda 6 ta fan o‘tilmasligi haqida ijtimoiy tarmoqlarda tarqalayotgan xabarlarni rad etdi.
Tarqalgan xabarlarda jismoniy tarbiya, chaqiriqqa qadar boshlang‘ich harbiy tayyorgarlik, musiqa madaniyati, tasviriy san’at va chizmachilik, texnologiya, tarbiya fanlari o‘tilmasligi haqida aytilgandi.
Vazirlik ushbu ma’lumotlar mutlaqo asossiz ekanligini bildirdi.
“Tarqalayotgan xabarlar 2020-yil karantin davrida chiqqan eski xabarlar bo‘lib, bu choralar pandemiya davrida o‘quvchilarning sog‘lig‘ini himoyalash, ijtimoiy masofani saqlash va ortiqcha muloqot qilishlarini oldini olish maqsadida joriy etilgan. Ayni damda ushbu maʼlumotlar mutlaqo asossiz ekanligini ma’lum qilamiz”, — deyiladi vazirlik bayonotida.
Izoh (0)