Markaziy saylov komissiyasi Toshkent shahrining sobiq hokimi Jahongir Ortiqxo‘jayevni Oliy Majlis Senati a’zolari ro‘yxatidan chiqarish to‘g‘risida qaror qabul qildi.
MSK matbuot xizmatining ma’lum qilishicha, Toshkent shahridan saylangan Oliy Majlis Senati aʼzosi Jahongir Ortikxo‘jayevning Xalq deputatlari Toshkent shahar Kengashi deputati sifatida vakolatlari muddatidan ilgari tugatilganligi munosabati bilan hamda Senat aʼzosi sifatida o‘z vakolatlarini zimmasidan soqit qilish haqida bergan yozma arizasiga muvofiq uning senatorlik vakolati muddatidan ilgari tugatildi.
16-yanvar kuni prezident huzurida bo‘lib o‘tgan yig‘ilishda Jahongir Ortiqxo‘jayev Toshkent shahar hokimi lavozimidan ozod etilgandi. 28-yanvar kuni Toshkent shahar Kengashi qarori bilan uning deputatlik vakolatlari muddatidan ilgari tugatilgandi.
Izoh (0)