Ўзбекистон мактабларида айрим фанлар бекор қилиниши ҳақидаги хабарлар рад этилди

Мактабгача ва мактаб таълими вазирлиги янги ўқув йилидан бошлаб мактабларда 6 та фан ўтилмаслиги ҳақида ижтимоий тармоқларда тарқалаётган хабарларни рад этди.

Тарқалган хабарларда жисмоний тарбия, чақириққа қадар бошланғич ҳарбий тайёргарлик, мусиқа маданияти, тасвирий санъат ва чизмачилик, технология, тарбия фанлари ўтилмаслиги ҳақида айтилганди.

Вазирлик ушбу маълумотлар мутлақо асоссиз эканлигини билдирди.

“Тарқалаётган хабарлар 2020 йил карантин даврида чиққан эски хабарлар https://t.me/uzedu/11145 бўлиб, бу чоралар пандемия даврида ўқувчиларнинг соғлиғини ҳимоялаш, ижтимоий масофани сақлаш ва ортиқча мулоқот қилишларини олдини олиш мақсадида жорий этилган. Айни дамда ушбу маълумотлар мутлақо асоссиз эканлигини маълум қиламиз”,  — дейилади вазирлик баёнотида.