Bugun,

  • USD 11095.31
  • RUB 173.84
  • EUR 10772.44

Oʻzbekiston aholisi topgan daromadining 40-50 foizini oziq-ovqat mahsulotlari sotib olish uchun sarflamoqda. Bu haqda Bosh vazir oʻrinbosari Jamshid Qoʻchqorov bugun (31-yanvar) boʻlib oʻtayotgan Oliy Majlis qonunchilik palatasi majlisida maʼlum qildi.

Jamshid Qoʻchqorov
Foto: “Daryo”

Jamshid Qoʻchqorovning taʼkidlashicha, 2022-yilda mamlakatda oziq-ovqat ishlab chiqarish hajmi 20 foizga oʻsgan.

“Bugungi kunda Oʻzbekistonda aholi daromadining 40-50 foizini oziq-ovqat mahsulotlari sotib olish uchun sarflamoqda. Shuni inobatga olib, hukumat aholini oziq-ovqat mahsulotlari bilan uzluksiz taʼminlash borasida chora-tadbirlar koʻrmoqda. Jumladan, 2022-yilda Oziq-ovqat sanoatini rivojlantirish dasturi doirasida respublikada 41 trillion soʻmlik mahsulot ishlab chiqarilib, 2021-yilga nisbatan 20 foizga oʻsishga erishildi”, – dedi hukumat rasmiysi.  

Jamshid Qoʻchqorovning qoʻshimcha qilishicha, oʻtgan yili tadbirkorlikni rivojlantirishga alohida eʼtibor berilgan.

“Tadbirkorlikni qoʻllab-quvvatlash davlat jamgʻarmasi tomonidan tadbirkorlik subyektlarining 5 000 tadan ortiq loyihalariga 1,7 trillion soʻmdan ortiq moliyaviy yordam koʻrsatildi. Oilaviy tadbirkorlikni rivojlantirish dasturlari doirasida aholiga qariyb 10 trillion soʻm miqdorida imtiyozli kreditlar ajratildi. Natijada oʻtgan yili 122 000 ta tadbirkorlik subyektlari tashkil etildi. 5 000 taga yaqin korxonalar faoliyati kengaytirildi”, – dedi bosh vazir oʻrinbosari.    

Majlisda aytilishicha, 2022-yilda davlat byudjetining jami xarajatlari 236,6 trillion soʻmni tashkil etgan. Shundan ijtimoiy sohaga 178 trillion soʻm yoʻnaltirilgan va bu xarajatlar miqdori 2021-yilga nisbatan 26 foizga oshgan. Geologik loyihalar amalga oshirilishi natijasida oltin zaxirasi 15 tonnaga, kumush 21 tonnaga, mis 20 000 tonnaga, volfram 1,5 ming tonnaga, ohaktosh 1,4 million tonnaga ortgan.

Izoh
Asosiy yangiliklar
Shou-biznes
“U nafaqat guruhdan, balki san’atdan ham ketdi”. “VIA Marokand” xonandasi Asal Zokirova guruhni tark etdi (video)
Mahalliy
Toshkentda sportchi erkak xotini va bolasini ayovsiz kaltaklagani aytildi
Iqtisodiyot
Navoiyda o‘sish, Toshkentda qisqarish: hududlarda tovarlar eksporti hajmi qanday bo‘lmoqda?