Forbes jurnali 2023-yilda Afrikaning eng badavlat tadbirkorlari reytingini e’lon qildi. Unga qit’aning 54 davlatidan atigi yettita davlat vakili bo‘lgan 19 nafar ishbilarmon kirdi.
-5.jpg)
Forbes ro‘yxat ishtirokchilarining umumiy boyligini 81,5 milliard dollarga baholadi, bu 2022-yildagidan 3,1 milliard dollarga kam.
12 yildirki ketma-ket birinchi o‘rinni nigeriyalik milliarder Aliko Dangote egalladi, uning boyligi 13,5 milliard dollarga baholangan.
Dangot boyligi o‘tgan yilga nisbatan 400 million dollarga kamaygan. U Afrikadagi eng yirik sement ishlab chiqaruvchi Dangote Cement kompaniyasiga egalik qiladi.
Reytingda ikkinchi o‘rin Cartier, Montblanc va Chloe kabi brendlarga egalik qiluvchi Shveysariyaning Compagnie Financiere Richemont kompaniyasi raisi Yogan Rupertga nasib etdi.
Rupert Janubiy Afrika Respublikasi (Janubiy Afrika) fuqaroligiga ega. Forbes jurnali uning boyligini 10,7 milliard dollarga baholagan bo‘lsa, uchinchi o‘rinda olmos qazib oluvchi DeBeers kompaniyasi merosxo‘ri Nikki Oppenxaymer joy olgan. Oppenxaymer ham Janubiy Afrika fuqarosi, uning boyligi Forbes jurnali tomonidan 8,4 milliard dollarga baholangan.
Reytingning beshinchi o‘rnida misrlik tadbirkor Nassef Saviris joy oldi. U sport kiyimlari va jihozlari ishlab chiqaruvchi Adidas kompaniyasining taxminan 6 foiziga, shuningdek, Nyu-York Niks (NBA) va Nyu-York Reynjers (NHL) klublariga egalik qiluvchi Nyu-Yorkdagi Madison Square Garden Sports kompaniyasining 5 foiziga egalik qiladi. Savirisning boyligi 7,3 milliard dollarga baholangan.
Reytingda ayollar yo‘q. Uchinchi yil ketma-ket ro‘yxatga Afrikaning eng badavlat ayoli, SSSRda tug‘ilgan va Rossiya fuqaroligiga ega bo‘lgan Angolaning sobiq prezidentining qizi Izabel dos Santos kirmadi.
Dos Santos 2013-yildan beri qit’aning eng boy ayoli bo‘lib kelgan, ammo 2021-yilda Forbes milliarder emas deb hisoblay boshladi. Angolada dos Santos davlat mablag‘larini o‘zlashtirish va pul yuvishda ayblangan.
2021-yil dekabrida Qo‘shma Shtatlar uni “davlat mablag‘larini shaxsiy maqsadlarda o‘zlashtirish orqali yirik korrupsiyada ishtirok etgani” uchun sanksiya qilgan.
Izoh (0)