Forbes jurnali AQSHning eng saxovatli 25 milliarderi reytingini taqdim etdi. Ularning har biri butun umri davomida xayriya ishlariga qancha pul yuborgani hisoblab chiqildi.
Google asoschilaridan biri, 2,55 milliard dollar xayriya qilgan Sergey Brin birinchi marta ro‘yxatga kirdi. U Berkshire Hathaway egasi Uorren Baffet boshchiligidagi reytingda 14-o‘rinni egalladi.
Brin Parkinson kasalligini o‘rganish, iqtisodiy harakatchanlik va iqlim o‘zgarishiga qarshi kurash uchun xayriyalarda qatnashadi.
Jumladan, Sergey Brin Parkinson kasalligini o‘rganishga 1,1 milliard dollar xayriya qilgan. Bu holat bir necha yil avval aniqlangan edi.
Ro‘yxatda Berkshire Hathaway egasi Uorren Baffet yetakchilik qilmoqda. Forbes USA ma’lumotlariga ko‘ra, 92 yoshli Baffet o‘z hayoti davomida xayriya ishlariga 51,5 milliard dollar xayriya qilgan (o‘tgan yilning o‘zida 5,4 milliard dollar).
Eng saxiy milliarderlar beshligidan Microsoft asoschisi va uning sobiq rafiqasi Bill Geyts va Melinda Frensis Geyts (bir umrlik xayriya 38,4 milliard dollar) hamda moliyachi Jorj Soros va uning sobiq rafiqasi (18,4 milliard dollar), Amazon asoschisi Jeff Bezos (14,43 milliard dollar) va Nyu-Yorkning sobiq meri Maykl Blumberg (14,4 milliard dollar) ham joy oldi.
Izoh (0)