Tojikiston yangi hosil olinmaguncha piyoz, kartoshka va sabzi eksport qilishni taqiqladi. Bu haqda mamlakat qishloq xo‘jaligi vaziri Qurbon Hakimzodaga tayanib, “TASS” xabar berdi.
“Hukumatning so‘nggi yig‘ilishida bozordagi vaziyat barqarorlashgunga qadar ushbu mahsulotlarni eksport qilishni vaqtincha taqiqlash bo‘yicha topshiriq berildi”, — dedi Qishloq xo‘jaligi vazirligi rahbari.
U bu chorani ushbu mahsulotlar narxining ko‘tarilishi bilan izohladi. Shuningdek, bugungi kunda Tojikistonda bu sabzavotlarning yetarli zaxirasi borligini va ulardan to‘g‘ri foydalanilsa, keyingi hosilga qadar davom etishini ta’kidladi. Odatda bu mart oyining oxirida yoki aprel oyining boshida boshlanadi.
O‘tgan yili mamlakat xorijiy davlatlarga 190 ming tonnadan ortiq qishloq xo‘jaligi mahsulotlari sotdi, bu o‘tgan yilga nisbatan 17,6 ming tonnaga kamdir.
Vazirlik ma’lumotlariga ko‘ra, qishloq xo‘jaligi eksportining 40 foizdan ortig‘i sabzavot, 30 foizga yaqini meva mahsulotlariga to‘g‘ri kelgan.
Izoh (0)