“Rostelekom” kompaniyasi Alisher Usmonovga tegishli USM Group bilan MegaFon uyali aloqa operatorini sotib olish bo‘yicha muzokaralarni boshladi. Bitim davlat kompaniyasini Rossiya mobil aloqa segmentida so‘zsiz yetakchiga aylantirishi mumkin. Bu haqda “Kommersant” xabar bermoqda.
-2.jpg)
USMga yaqin manbaning ta’kidlashicha, MegaFon yaxshi natijalarni ko‘rsatmoqda, shuning uchun uni sotib olish bo‘yicha takliflar bir necha yillardan beri kelib tushmoqda:
Kompaniyaga har doim ariza beruvchilar bo‘lishi mantiqan to‘g‘ri. Albatta, har qanday taklif va sotish imkoniyatlari ko‘rib chiqiladi, lekin, hamma narsa muayyan shartlarga bog‘liq
MegaFon Rossiyadagi eng yirik telekommunikatsiya operatorlaridan biri bo‘lib, 74 milliondan ortiq mobil aloqa abonentlariga xizmat ko‘rsatadi va 100 foiz USM Groupga tegishli.
“MegaFonni sotish bo‘yicha bitim asosiy texnologik aktivlarni davlat foydasiga qayta taqsimlashning davomi bo‘lishi mumkin”, — deydi FG Finam kompaniyasidan Leonid Delitsin.
Mutaxassislar MegaFon’ni 616 mlrd rubl yoki 8,8 mlrd dollarga baholamoqda.
“Megafon — bu doimiy kuchli moliyaviy ko‘rsatkichlarga va o‘sib borayotgan abonent bazasiga ega aktiv. Uning aktsiyadorlari hech qachon kapital xarajatlarni kamaytirmagan, shuning uchun operator texnologiyaning to‘yinganligi va aloqa sifati bo‘yicha yaxshi holatda”, — deydi Arikapital Management kompaniyasining investitsiya xodimi Sergey Suverov.
Ayni damda “Rostelekom” Tele2 uyali aloqa operatorining 100 foizlik askiyalariga egalik qiladi.
“MTSdan keyin bozordagi ikkinchi yirik operatorni (MegaFon tahririyat) sotib olish davlatni uyali aloqa segmentida so‘zsiz yetakchiga aylantiradi”, — deydi Delitsin.
Izoh (0)