Rossiyaning Leningrad viloyati Vsevolojsk tumanida qidiruvda bo‘lgan o‘zbekistonlik yigit qo‘lga olindi. U hamyurtini pichoqlab o‘ldirishda ayblanmoqda. Bu haqda 78.ru xabar berdi.
Ma’lum qilinishicha, 30-oktabrga o‘tar kechasi Sadoviy ko‘chasidagi 42-uy yonidan turli tan jarohatlari olgan ikki o‘zbekistonlik erkak topilgan. Ulardan biri 31 yoshda bo‘lib, Mariinsk shifoxonasida pichoqdan olgan jarohati oqibatida vafot etgan. Ikkinchisi esa 32 yoshda bo‘lib, o‘rtacha og‘irlikdagi jarohatlar bilan kasalxonaga yotqizilgan. Holat yuzasidan jinoiy ish qo‘zg‘atilgan.
Ularga hujumda gumon qilingan 25 yoshli o‘zbekistonlik muhojir noyabr oyi boshida federal qidiruvga berilgan va sirtdan hibsga olingan. 13-yanvar kuni Kudrovodagi Stolichnaya ko‘chasidagi xonadonlardan birida u qo‘lga olingan.
Aniqlanishicha, 30-oktabr kuni yigit Brinko-leyndagi “Farg‘ona choyxonasi” kafesi hududida bo‘lib, to‘satdan kelib chiqqan janjal chog‘ida ikki erkakka pichoq bilan kamida uch marta zarba bergan, oqibatda ulardan biri vafot etgan.
Izoh (0)