Dubay politsiyasi ayollardan iborat birinchi maxsus kuchlar otryadini taqdim etdi. Bu orqali ayollarning imkoniyatlarini kengaytirish maqsad qilingan, deydi Arabian Business.
Dubay politsiyasi bosh qo‘mondoni general-leytenant Abdulla Xalifa Al Marri murakkab ixtisoslikka qaramay, uni o‘rganayotgan ayol huquq-tartibot xodimlari bilan faxrlanishini ta’kidladi. Maxsus kuchlarda an’anaviy ravishda erkaklar ustunlik qiladi, ammo politsiya xodimlari orasida ayollar ham ko‘p. Yangi maxsus kuchlar otryadi ayollari to‘liq tayyorgarlikdan, jumladan, taktik otishmani o‘zlashtirish, jangovar topshiriqlarni bajarish va chidamlilik sinovlaridan o‘tgan.
2021-yilning yozida birinchi marta Dubay otliq politsiyasiga ayol kapitan Halima Al Sa’diy qo‘shilgandi. U noqonuniy transport vositalarini tortib olish, jinoyatchilarni hibsga olish va qoidabuzarlarga jarima solish bilan shug‘ullanadi. Ayol Dubay politsiyasida 23 yil ishlagan, Dubay politsiya akademiyasining huquq bo‘yicha bakalavr darajasiga, shuningdek, jinoyat qidiruvi bosh boshqarmasi kurslari diplomiga ega.
Mavzuga doir: Saudiya aviakompaniyasi mamlakat tarixida ilk bor faqat ayollardan iborat ekipaj bilan parvoz qildi
Izoh (0)