Дубай полицияси аёллардан иборат биринчи махсус кучлар отрядини тақдим этди. Бу орқали аёлларнинг имкониятларини кенгайтириш мақсад қилинган, дейди Arabian Business.
Дубай полицияси бош қўмондони генерал-лейтенант Абдулла Халифа Ал Марри мураккаб ихтисосликка қарамай, уни ўрганаётган аёл ҳуқуқ-тартибот ходимлари билан фахрланишини таъкидлади. Махсус кучларда анъанавий равишда эркаклар устунлик қилади, аммо полиция ходимлари орасида аёллар ҳам кўп. Янги махсус кучлар отряди аёллари тўлиқ тайёргарликдан, жумладан, тактик отишмани ўзлаштириш, жанговар топшириқларни бажариш ва чидамлилик синовларидан ўтган.
2021 йилнинг ёзида биринчи марта Дубай отлиқ полициясига аёл капитан Ҳалима Ал Саъдий қўшилганди. У ноқонуний транспорт воситаларини тортиб олиш, жиноятчиларни ҳибсга олиш ва қоидабузарларга жарима солиш билан шуғулланади. Аёл Дубай полициясида 23 йил ишлаган, Дубай полиция академиясининг ҳуқуқ бўйича бакалавр даражасига, шунингдек, жиноят қидируви бош бошқармаси курслари дипломига эга.
Мавзуга доир: Саудия авиакомпанияси мамлакат тарихида илк бор фақат аёллардан иборат экипаж билан парвоз қилди
Изоҳ (0)