Falastin Sog‘liqni saqlash vazirligi Isroil kuchlari bosib olingan G‘arbiy Sohildagi Ramallah shahri yaqinida falastinlik erkakni o‘ldirganini ma’lum qildi. Bu haqda Al Jazeera xabar berdi.
Guvohlarning aytishicha, 45 yoshli Ahmad Kahla 15-yanvar kuni Silvad qishlog‘i yaqinidagi nazorat-o‘tkazish punktida isroillik askarlar bilan janjallashib qolganidan keyin otib tashlangan. Otishma oldidan Isroil politsiyasi Kahlaga mashinadan tushishni buyurgan, mashina ichida uning o‘g‘li Qusay ham bo‘lgan.
“Isroil kuchlari yuzimga qalampir gazi sepib, meni mashinadan tushirdi. Bundan keyin nima bo‘lganini bilmayman. Dadam o‘ldirilganini amakimdan bildim”, — deydi 18 yoshli Qusay.
Isroil harbiylarining ta’kidlashicha, ular falastinlik boshqaruvida bo‘lgan mashinaga to‘xtashni buyurgan. Politsiya qochishga uringan yo‘lovchilardan birini qo‘lga olishga uringanidan keyin to‘qnashuv sodir bo‘lgan. Falastin Tashqi ishlar vazirligi Kahlaning o‘ldirilishini qoralab, buni “jirkanch qatl” deb atagan.
Isroilliklar tomonidan o‘ldirilgan falastinliklar soni 2023-yil boshida 13 nafarga yetdi. 2021-yili bosib olingan G‘arbiy Sohil va Sharqiy Quddusda 170 dan ortiq falastinlik o‘ldirilgan. Birlashgan Millatlar Tashkiloti buni G‘arbiy Sohilda 2006-yildan beri eng ko‘p halokatli yil deb atadi.
Mavzuga doir:
Izoh (0)