Namangan viloyatining Namangan tumanidagi xonadonda gaz portladi. Bu haqda viloyat FVB matbuot xizmati xabar berdi.
13-yanvar kuni soat 02:30 larda Respublika shoshilinch tez yordam ilmiy markazidan olingan ma’lumotga ko‘ra, Namangan tumani “Navro‘z” mahalla fuqarolar yig‘ini hududidagi xonadonlarning birida gaz portlashi sodir bo‘lgan.
Buning oqibatida xonadon egasining 1992-yilda tug‘ilgan qizi 70 foiz hamda u bilan birga yashovchi farzandi — 2014-yilda tug‘ilgan o‘g‘li 8 foiz kuyish tan jarohati olgan.
Hodisa sababi o‘rganilganda, xonadonga o‘rnatilgan o‘tin va tabiiy gazga moslashtirilgan tunika isitish pechiga tabiiy gazdan foydalanishi va gaz jo‘mragi ochiq qolgani aniqlangan. Uyda elektr chirog‘i yoqilganda gaz va havo aralashmasi chaqnashi sodir bo‘lgan.
Portlash natijasida yong‘in sodir bo‘lmagan, uyning derazasi joyidan ko‘chgan. Voqea joyiga yong‘in o‘chirish ekipajlari jalb etilmagan.
Izoh (0)