Andijon viloyati Andijon tumanidagi xonadonda yong‘in yuz berib, darvozaxonadagi Damas ham yonib ketdi. Holat aks etgan video ijtimoiy tarmoqlarda tarqaldi.
FVV matbuot xizmati bergan ma’lumotga ko‘ra, 13-yanvar kuni soat 06:18 da “Dehqon” MFY Barhayot ko‘chasida joylashgan xonadonlarning birida yong‘in sodir bo‘layotgani to‘g‘risida tuman FVBga xabar tushgan.
Shunga ko‘ra uchta yong‘in-qutqaruv ekipaji soat 06:33 da voqea joyiga yetib borib, yong‘in soat 06:36 da qurshab olingan va soat 06:55 da bartaraf etilgan.
Yong‘in natijasida xonadonning 50 kvadrat metr maydonda shift, tom qismi va uy jihozlari hamda darvozaxonasida bo‘lgan Damas yonib zararlangan. Yong‘indan uyining 120 kvadrat metr maydoni saqlab qolingan.
Hodisa oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.
Mavzuga doir: Andijondagi mebel ishlab chiqarish sexida yong‘in yuz berdi (video)
Izoh (0)