Dam olish kunlari sovuq asta-sekin kuchsizlasha boshlaydi, deb xabar bermoqda “O‘zgidromet”.
Ma’lum qilinishicha, 13-yanvar kuni O‘zbekiston hududi Qozog‘istonning sharqiy hududlari ustida joylashgan keng va juda sovuq antisiklonning janubi-g‘arbiy chekkasida (periferiya) joylashgan.
Respublika bo‘yicha yog‘ingarchilik kutilmaydi, faqat Toshkent, Sirdaryo, Surxondaryo viloyatlarida va Farg‘ona vodiysi viloyatlarida qatlamsimon bulutlardan ba’zi joylarda biroz qor yog‘ishi mumkin. Havo harorati kunning ikkinchi yarmida 7-12 daraja sovuq bo‘lishi kutilmoqda.
Dam olish kunlari respublikaning barcha hududlari bo‘yicha quruq ob-havo saqlanib turadi. Shanba kuni havo harorati kechasi 12-17 daraja sovuq, ba’zi joylarda 20 daraja sovuq bo‘ladi. Kunduzi 5-10 daraja sovuq, ba’zi joylarda 12 darajagacha sovuq bo‘ladi.
Yakshanba kuni respublikaning shimoli-g‘arbiy hududlariga Kaspiy dengizidan nisbatan iliq havo kirib kelishi boshlanadi, u antisiklonning sovuq periferiyasini ortga sura boshlaydi.
Yakshanba kuni havo biroz iliqlashadi. Kechasi 12-17 daraja sovuq, kunduzi 5-10 daraja sovuq bo‘ladi.
Respublika bo‘yicha ba’zi joylarga tuman tushishi kuzatiladi.
“Yo‘llarda ba’zi joylarda yaxmalak yuzaga keladi. “O‘zgidromet” ehtiyot bo‘lishni tavsiya qiladi. 13—16 yanvar kunlari qor ko‘chishi xavfi ortishi sababli tog‘li hududlarga borish tavsiya etilmaydi”, — deyiladi markaz xabarida.
Mavzuga doir:
Izoh (1)
Urra havo isiydi