Qozog‘istonning Samara—Chimkent avtomobil yo‘lida to‘xtab qolgan avtobusdan yana bir guruh o‘zbekistonlik yo‘lovchilar evakuatsiya qilindi. Bu haqda “Dunyo” AA xabar berdi.
11-yanvar kuni ushbu avtomobil yo‘lida qolib ketgan ikki avtobusdan jami 69 nafar o‘zbekistonlik evakuatsiya qilingandi.
O‘zbekistonning Aqtau shahridagi Bosh konsulxonasi ma’lumotiga ko‘ra, 12-yanvar kuni Samara—Chimkent avtomobil yo‘lining 819-kilometrida Krasnodar—Sariog‘och yo‘nalishida harakatlanayotgan, avtobus nosozlik — kuchli sovuq tufayli dizel yonilg‘isining muzlashi sabab to‘xtab qolgan.
Avtobusda 31 nafar O‘zbekiston fuqarosi bo‘lgan. Yo‘lovchilar Aqto‘be viloyatining Xromtau tumani qutqaruvchilari tomonidan Xromtau shahridagi Sherxon kempingiga yetkazgan. Jabrlanganlar yo‘q, fuqarolar issiqlik bilan ta’minlangan.
Mavzuga doir:
Izoh (0)