2022-yilda Yevropa Ittifoqi suyultirilgan gazning (LNG) dunyodagi eng yirik xaridoriga aylandi. Bu haqda Refinitiv ma’lumotlariga tayanib Financial Times xabar berdi.
Yevropa Ittifoqi (YI) 101 million tonna LNG import qilgan. Bu 2021-yilga nisbatan 58 foizga ko‘p. YIning jahon bozoridagi ulushi 24 foizni tashkil etdi.
Yevropa sotib olgan suyultirilgan gaz hajmi 137 milliard kub metr tabiiy gazga teng. Bu YIning 2021-yilda quvurlar orqali Rossiyadan olgan hajmi bilan deyarli bir xil (140 milliard kub metr).
Avvalgi yillarda Yevropa Ittifoqi Yaponiya va Xitoyga qaraganda kamroq LNG sotib olgan edi. Biroq 2022-yilda Rossiyadan yetkazib berish kamayganidan keyin tezda muqobil izlashga to‘g‘ri keldi.
Xitoyda 2022-yilda LNG’ga talab pasaydi, chunki qat’iy koronavirus siyosati iqtisodiyotni sekinlashtirdi va energiyaga bo‘lgan talabni kamaytirdi.
“Agar mamlakat LNG sotib olishga ko‘proq qiziqish bildirsa, Yevropa uchun ta’minot manbalarini topish qiyinroq bo‘lardi”, — deb hisoblaydi ekspert.
Xitoy 2022-yilda jami 64,5 million tonna LNG sotib olgan bo‘lsa, 2021-yilda bu ko‘rsatkich 79 million tonnani tashkil etgan (dunyoda birinchi o‘rin). Bundan tashqari, Xitoy 2022-yilda ortiqcha LNG’ning bir qismini Yevropaga yo‘naltirgan.
2022-yil dekabr oyida Xitoy COVID’ga qarshi cheklovlarni sezilarli darajada yengillashtirdi, bu esa ushbu mamlakatda LNG’ga talabning oshishiga olib kelishi kerak.
“Yevropa esa bundan ham ko‘proq gaz sotib olishi kerak bo‘ladi, chunki 2023-yilda Rossiya yoqilg‘isining omborlarda to‘plangan zahiralari tugaydi”, — deb yozadi Financial Times.
Qayd etilishicha, 2023-yilda LNG bozorida raqobat kuchli bo‘ladi va bu butun dunyo bo‘ylab gaz narxining oshishiga olib kelishi mumkin.
Mavzuga doir: Rossiyadan Yevropa Ittifoqiga LNG yetkazib berish hajmi rekord darajaga ko‘tarildi
Izoh (0)