Rossiyaning Vsevolojsk tumanida o‘zbekistonlik erkakning boshiga muz tushib ketdi. Bu haqda 78.ru xabar berdi.
Erkak 42 yoshda bo‘lib, og‘ir ahvolda kasalxonaga yotqizilgan. Unda bosh jarohati, miya chayqalishi, qon ketishi va boshqa jarohatlar qayd etilgan. Hodisa 1-yanvar kuni sodir bo‘lgan, ammo erkak sakkiz kundan keyin yordam so‘rab shifokorlarga murojaat qilgan. Jabrlanuvchi bilan yuz bergan hududda videokuzatuv kameralari bo‘lmagan.
Avvalroq 9-yanvar kuni Rossiyaning Volxova shahrida o‘zbekistonlik 20 yoshli yigit plyonka maydalagichga tushib ketib, halok bo‘lgandi. Holat yuzasidan jinoiy ish qo‘zg‘atilgan va marhumning yaqinlarini qidirish boshlangan. Shuningdek, Rossiyada o‘zbekistonlik quruvchi balandlikdan qulab vafot etgan. Yigit olgan tan jarohatlari tufayli vafot etgan. Yana bir o‘zbekistonlik ishchi Sankt-Peterburgda 7-qavatdan tushib ketishi oqibatida o‘lgan. U 45 yoshda bo‘lgan va olgan tan jarohatlari tufayli voqea joyida halok bo‘lgan.
Izoh (0)