Rossiyada o‘zbekistonlik yigit plyonka maydalagichga tushib ketib, halok bo‘ldi

Rossiyaning Volxova shahrida o‘zbekistonlik 20 yoshli yigit plyonka maydalagichga tushib ketib, halok bo‘ldi. Bu haqda 78.ru xabar berdi.

Hodisa 9-yanvar kuni mahalliy vaqt bilan soat 10:00 da yuz bergan. Yigit qayta ishlash uskunalarini tozalashni boshlagan va qandaydir tarzda plyonka maydalagichga tushib ketgan. U olgan tan jarohatlari tufayli voqea joyida vafot etgan. Hodisa oqibatida Volxova tergov boshqarmasi boshlig‘i boshchiligidagi guruh zavodga jo‘nab ketgan.

Holat yuzasidan Rossiya Jinoyat kodeksining 216-moddasi (ehtiyotsizlik sababli inson o‘limiga olib kelgan ishlarni bajarishda xavfsizlik qoidalarini buzish) bo‘yicha jinoiy ish qo‘zg‘atgan. Huquq-tartibot idoralari xodimlari O‘zbekistondan Sankt-Peterburgga kelgan yigitning yaqinlarini qidirmoqda.

Avvalroq Qozog‘istondagi oltin konida O‘zbekiston fuqarosi halok bo‘lgandi. Marhum 18 kun davomida shaxtada qolib ketgani aniqlangan. Shuningdek, Rossiyada o‘zbekistonlik quruvchi balandlikdan qulab halok bo‘lgan. Yigit olgan tan jarohatlari tufayli vafot etgan. Yana bir o‘zbekistonlik ishchi Sankt-Peterburgda 7-qavatdan tushib ketishi oqibatida o‘lgan. U 45 yoshda bo‘lgan va olgan tan jarohatlari tufayli voqea joyida halok bo‘lgan.