Россиянинг Всеволожск туманида ўзбекистонлик эркакнинг бошига муз тушиб кетди. Бу ҳақда 78.ru хабар берди.
Эркак 42 ёшда бўлиб, оғир аҳволда касалхонага ётқизилган. Унда бош жароҳати, мия чайқалиши, қон кетиши ва бошқа жароҳатлар қайд этилган. Ҳодиса 1 январь куни содир бўлган, аммо эркак саккиз кундан кейин ёрдам сўраб шифокорларга мурожаат қилган. Жабрланувчи билан юз берган ҳудудда видеокузатув камералари бўлмаган.
Аввалроқ 9 январь куни Россиянинг Волхова шаҳрида ўзбекистонлик 20 ёшли йигит плёнка майдалагичга тушиб кетиб, ҳалок бўлганди. Ҳолат юзасидан жиноий иш қўзғатилган ва марҳумнинг яқинларини қидириш бошланган. Шунингдек, Россияда ўзбекистонлик қурувчи баландликдан қулаб вафот этган. Йигит олган тан жароҳатлари туфайли вафот этган. Яна бир ўзбекистонлик ишчи Санкт-Петербургда 7-қаватдан тушиб кетиши оқибатида ўлган. У 45 ёшда бўлган ва олган тан жароҳатлари туфайли воқеа жойида ҳалок бўлган.
Изоҳ (0)