Pokiston Ukraina uchun mo‘ljallangan o‘q-dorilardan iborat 159 ta konteynerni Karachi portidan Polshadagi Gdansk portiga yuborishni rejalashtirmoqda, deb xabar bermoqda Firstpost.
Vesuvius kemasi 155 millimetrli snaryadlarni, M4A2 zaryadlari, M82 artilleriya kapsulalari va PDM portlatuvchilarini olib keladi. Ularni Islomobodning DMI Associates qurol yetkazuvchisi Sharqiy Yevropadagi mudofaa firmalari bilan hamkorlikda taqdim etadi.
Pokiston va Ukraina mudofaa sohasida 1991-yildan buyon yaqin aloqalarni saqlab kelmoqda. O‘sha vaqtdan 2020-yilga qadar Kiyev Islomobodga qariyb 1,6 milliard dollarlik qurol-yarog‘larni, shu jumladan, tanklar va xizmat ko‘rsatish tizimlarini sotgan. Pokiston o‘zining T-80UD tanklari parkini ta’mirlash va texnik xizmat ko‘rsatish bo‘yicha Ukraina bilan 85,6 million dollarga bitim imzolagan.
Izoh (0)