Шаҳзода Гарри билан турмуш қуришдан олдин Сассекснинг бўлажак герцогиняси у учун шахсий овқатланиш тизимини ишлаб чиққан таниқли парҳезшуносга мурожаат қилди, деб ёзади Marie Claire.
Меган Маркл никоҳ тўйи куни ажойиб кўринишга эга бўлди ва бунинг сабабчиси соғлиқни сақлаш мутахассиси, парҳезшунос Габриэла Пикок бўлиб, унинг тавсиялари туфайли шаҳзода Гаррининг рафиқаси ажойиб кўринишга эришди.
Габриэланинг сўзларига кўра, у янги парҳезларга ишонмайди, аммо вазн йўқотишнинг тасдиқланган усулларини афзал кўради. Ҳамма нарсанинг асоси — тўйимли нонушта, тушлик ҳамда кечки овқат учун углеводлар истеъмол қилишни камайтириш. Бундан ташқари, овқатланиш мутахассиси вазн йўқотишнинг махсус усулини ҳам ўртоқлашди, бу нафақат вазн камайтиришга, балки саломатлик ва ёшликни сақлаб қолишга ҳам ёрдам беради.
«Мен маълум вақт давомида очлик билан озиш тарафдориман. Бу вазн йўқотишнинг ҳақиқатан ҳам соғлом усули. Бу ҳужайраларнинг қариш тезлигини пасайтиради — организмга озгина танаффус бериш орқали олтинчи ёки еттинчи кунга келиб инсон ўзини ажойиб ҳис қила бошлайди», — дейди Габриэла.
Шунингдек, унинг кўплаб мижозлари, шу жумладан Меган Маркл ҳам рационига яшил шарбатни қўшганини маълум қилди: «Яшил шарбат — қаҳванинг ажойиб ўринбосари. У тетиклантиради, организмдаги овқат ҳазм қилиш жараёнларини яхшилайди ва узоқ вақт давомида очлик туйғусини бостиради. Шарбат олма, исмалоқ, лимон, занжабилдан тайёрланади ва резаворлар ёки бодом сути билан ширин таъм бериш мумкин.
Хабар қилинишича, Сассекс герцогинясига мутахассис билан ҳамкорлик шу қадар ёққанки, у парҳезшуноснинг ҳар бир тавсиясига қатъий амал қилган. Қолаверса, ҳозирда ҳам янги маслаҳатлар учун мунтазам равишда унга мурожаат қилади. Масалан, у Меганга ҳомиладорлик давридан кейин ҳам ортиқча вазндан халос бўлишга ёрдам берган.
Айтганча, нафақат шаҳзода Гаррининг рафиқаси ушбу таниқли парҳезшуносга мурожаат қилган. Балки тўйидан олдин малика Беатрис ҳам Габриэла билан овқатланиш ва жисмоний фаоллик ҳақида маслаҳатлашган.
Изоҳ (0)