Namanganda “Dok-1 Maks” preparati berilgan 2,5 yashar bola vafot etdi. Bu haqda “Daryo” muxbiri Azizbek Abduvaliyev xabar bermoqda.
Uchqo‘rg‘on tumanining “Guliston” mahallasida istiqomat qiluvchi 25 yoshli ayol 2022-yil 13-dekabridan boshlab tuman tibbiyot birlashmasining bolalar bo‘limiga qatnab, 2,5 yashar o‘g‘li uchun muolajalar olgan. O‘zgarish bo‘lmaganidan so‘ng bola 16-dekabr kuni Respublika shoshilinch tibbiy yordam ilmiy markazi Namangan filialiga olib kelingan. Bu yerda ko‘rsatilgan tibbiy choralarga qaramay, 2022-yil 21-dekabr kuni bemor vafot etgan.
Viloyat sog‘liqni saqlash boshqarmasi axborot xizmatining bildirishicha, bemor pnevmoniyaning og‘ir formasi, hazm faoliyatining funksional buzilishi, dispeptik holat hamda gipovolemiya og‘ir darajasi tashxislari bilan davolangan.
Respublika bo‘ylab “Dok-1 Maks” dori vositasining salbiy ta’siri bo‘yicha muammolar kelib chiqishi boshlaganidan keyin so‘rab o‘rganilganda, onasining so‘zidan bolaga uy sharoitida “Dok-1 Maks” preparati berilganligi aniqlangan.
Vafot etgan bola onasining yolg‘iz farzandi edi.
Mavzuga doir: Qoraqalpog‘istonda “Dok-1 Maks“dan zaharlangan ikki bola davolanish uchun Toshkentga olib kelingani ma’lum bo‘ldi
Izoh (0)