Наманганда «Док-1 Макс» препарати берилган 2,5 яшар бола вафот этди. Бу ҳақда «Дарё» мухбири Азизбек Абдувалиев хабар бермоқда.
Учқўрғон туманининг «Гулистон» маҳалласида истиқомат қилувчи 25 ёшли аёл 2022 йил 13 декабридан бошлаб туман тиббиёт бирлашмасининг болалар бўлимига қатнаб, 2,5 яшар ўғли учун муолажалар олган. Ўзгариш бўлмаганидан сўнг бола 16 декабрь куни Республика шошилинч тиббий ёрдам илмий маркази Наманган филиалига олиб келинган. Бу ерда кўрсатилган тиббий чораларга қарамай, 2022 йил 21 декабрь куни бемор вафот этган.
Вилоят соғлиқни сақлаш бошқармаси ахборот хизматининг билдиришича, бемор пневмониянинг оғир формаси, ҳазм фаолиятининг функционал бузилиши, диспептик ҳолат ҳамда гиповолемия оғир даражаси ташхислари билан даволанган.
Республика бўйлаб «Док-1 Макс» дори воситасининг салбий таъсири бўйича муаммолар келиб чиқиши бошлаганидан кейин сўраб ўрганилганда, онасининг сўзидан болага уй шароитида «Док-1 Макс» препарати берилганлиги аниқланган.
Вафот этган бола онасининг ёлғиз фарзанди эди.
Мавзуга доир: Қорақалпоғистонда «Док-1 Макс«дан заҳарланган икки бола даволаниш учун Тошкентга олиб келингани маълум бўлди
Изоҳ (0)