Afg‘onistonning “Tolibon” harakati 5-yanvarda Xitoyning neft kompaniyasi bilan mamlakat shimolidagi neft zaxiralarini qazib olish va o‘zlashtirish bo‘yicha birinchi xalqaro shartnomani imzoladi. Bu haqda Voanews xabar bermoqda.
“Tolibon”ning yuqori martabali mulozimlari va Xitoyning Kobuldagi elchisi Van Yu Afg‘oniston poytaxtida televideniye orqali imzolash marosimga guvoh bo‘ldi.
Bu 2021-yil avgustida “Tolibon” harakati hokimiyatni qo‘lga kiritganidan beri Afg‘oniston erishgan birinchi yirik xorijiy sarmoyaviy bitim bo‘ldi.
“Tolibon” konchilik vaziri Shahobiddin Dilavar Xinjiang Central Asia Petroleum and Gas Co (CAPEIC) bilan tuzilgan shartnoma Amu daryosi havzasida neft qazib olish uchun Xitoydan yiliga 150 million dollar sarmoya olib kelishini aytdi.
Uning so‘zlariga ko‘ra, kelishuv shimoliy Saripol, Juzjon va Faryob viloyatlarida jami 4 500 kvadrat kilometr maydonni egallab, 3 000 ga yaqin afg‘onistonlik uchun ish o‘rinlarini yaratadi.
Dilavar, Xitoy sarmoyasi 25 yillik shartnoma uchun uch yil ichida 540 million dollargacha oshishi kutilayotganini aytdi.
Uning qo‘shimcha qilishicha, “Tolibon” harakati ma’muriyati loyihada 20 foizlik hamkorlikka ega bo‘lib, uni 75 foizga oshirish ko‘zda tutilgan.
“Amu daryo neft loyihasi Xitoy va Afg‘oniston o‘rtasidagi amaliy hamkorlikning muhim loyihasidir. Ushbu loyihaning borishi energetika va boshqa sohalardagi yirik loyihalarda Xitoy—Afg‘oniston hamkorligi uchun namuna yaratdi”, — dedi Xitoy elchisi Vang.
Tolibon vaziri kelishuvga ko‘ra, xom neft Afg‘oniston ichida qayta ishlanishini aytib, Xitoy kompaniyasi mamlakatda neftni qayta ishlash zavodi qurishini taklif qildi.
Afg‘onistonning foydalanilmagan resurslari 1 trillion dollardan oshiqroq ekani taxmin qilinmoqda. Xorijiy investorlar ularni o‘rganishga qiziqish bildirdi, ammo Janubiy Osiyo davlatida o‘nlab yillar davom etgan mojarolar bunday tashabbuslarni to‘xtatdi.
Izoh (0)