Futbol bo‘yicha Turkiya chempionatining 17-turida “Fotih Karagyumryuk” 4-yanvar, chorshanba kuni “Kaysirespor” jamoasi bilan bahs olib bordi.
Uchrashuvning ilk daqiqasidayoq Munir Levent Merjan hisobni ochdi. 12-daqiqada Mbaye Diagne “Fotih Karagyumryuk”ning ikkinchi goliga mualliflik qildi. Ikkinchi bo‘lim boshida Otabek Shukurov ham o‘z hisobiga gol yozdirib qo‘ydi. Qayd etib o‘tish joiz, ushbu gol o‘zbekistonlik futbolchining Turkiya chempionatidagi debyut goli hisoblanadi.
57-daqiqada Bernard Mensa penaltidan unumli foydalanib, hisobni qisqartirdi. 63-daqiqada Diagne dublni rasmiylashtirdi. 72-daqiqada Ilhan Parlak yana bir bor hisobni qisqartirdi.
Ushbu g‘alabadan so‘ng “Fotih Karagyumruk” ochkolari sonini 19 taga yetkazib, 10-o‘ringa ko‘tarilib oldi. “Kayserispor” esa 23 ochko bilan 8-pog‘onani band etgan.
A Seriya
17-tur bahsi
4-yanvar, chorshanba
Izoh (0)