“Barselona” sobiq futbolchisi Xerard Pike faoliyatini qayta tiklamoqchi.
35 yoshli futbolchi 2022-yil noyabr oyida butsasini mixga ilgandi. Relevo nashrining ta’kidlashicha, Pike o‘zi egalik qiladigan “Andorra” jamoasida to‘p surishni rejalashtirmoqda.
Biroq Xerard futbolchilik faoliyati tiklashiga bir qancha to‘siqlar mavjud. Birinchidan, Pikening maoshi. Garchi futbolchilik faoliyatini yakunlagan bo‘lsa-da, u hamon “Barselona” tarkibida ro‘yxatda turibdi. Uning maoshi esa 20 million yevroni tashkil etadi.
Ikkinchidan esa Ispaniyaning ikkinchi divizionida ishtirok etuvchi “Andorra” Pikega eng kam ushbu narxni to‘lay olmaydi. Buning iloji bor, biroq La Liga maxsus komissiyasi ushbu masalani hal qiladi.
La Liga qo‘mitasi Xerardning maoshini tekshirib ko‘rishi lozim. Shundan so‘ng “Andorra” bunday transferni amalga oshira olishi yoki olmasligi aniq bo‘ladi.
Avvalroq Xerard Pike Kings League (“Qirollar ligasi”) deb ataluvchi media futbol ligasini tashkil qilgani xabar qilingandi.
Izoh (0)