“Espanyol” “Barselona”ga qarshi o‘yindagi holat bo‘yicha federatsiyaga shikoyat yubordi

“Espanyol” klubi La Liga doirasida kechgan “Barselona”ga qarshi o‘yindagi holat yuzasidan shikoyat qildi.

Klub La Ligada uchta o‘yinga diskvalifikatsiya qilingan Robert Levandovskining uchrashuvga ishtirok etganidan norozi va bu borada Ispaniya futbol federatsiyasiga (RFEF) shikoyati xati yo‘llagan.

Federatsiya ushbu xatni olgan va “Barselona”ga izoh uchun uch kun muhlat bergan.

Agar jarayonda “Espanyol” foydasiga qaror chiqarilsa, u holda “ko‘k-anorranglilar”ga texnik mag‘lubiyat yoziladi.

Avvalroq Madrid markaziy sudi Levandovskining diskvalifikatsiyasini bekor qilgan, shu bois polshalik hujumchi “Barselona”ning La Liga 15-turi doirasida kechgan “Espanyol”ga qarshi o‘yinida (1:1) ishtirok etolgandi.

4-dekabr kuni Sport ishlari bo‘yicha ma’muriy sud (TAD) Levandovskining diskvalifikatsiyaga olib kelgan sariq kartochkalarni o‘rganib chiqadi. Avvalroq TAD Levadovskining chetlatilishi bilan bog‘liq “Barselona”ning apellatsiyasini rad qilgandi.