“Paxtakor” klubi ikki nafar futbolchini o‘z safiga qo‘shib oldi. Bu haqda klub matbuot xizmati ma’lum qildi.
“Nasaf” sharafini himoya qilgan Dilshod Saitov faoliyatini “Paxtakor”da davom ettiradigan bo‘ldi. 24 yoshli futbolchi erkin agent sifatida “sherlar” bilan 3 yillik shartnoma imzoladi. Saitov Superligada 106 ta o‘yinda 11 ta gol urishga muvaffaq bo‘lgan. Chempionlar Ligasida esa 14 ta o‘yinda maydonga tushgan.
Shuningdek, Toshkent jamoasi gruziyalik yarim himoyachi Giorgi Papava bilan ham shartnoma imzoladi.
Papava faoliyati davomida Gruziyaning “Dinamo” Tbilisi va “Dila”, Kiprning “Nea Salamis” va O‘zbekistonda “OKMK” klublari sharafini himoya qilgan. Giorgi yuqoridagi ligalarda jamia 242 ta o‘yinda maydonga tushib, 7 ta golga mualliflik qilgan. Yevrokuboklarda 19 ta uchrashuvda bitta gol urgan.
“Dinamo” Tbilisi bilan birga 4 marta Gruziya chempioniga aylangan.
Izoh (0)