AOKAda o‘tkazilgan brifingda Eksportni rag‘batlantirish agentligi boshqarma boshlig‘i Oybek Saidahmatov eksportyor korxonalar faoliyatini qo‘llab-quvvatlash yo‘nalishidagi ishlar haqida ma’lumot berdi.
Qayd etilishicha, 2022-yilda 273 ta eksport qiluvchi korxonalarga eksport bilan bog‘liq savdo operatsiyalari va eksportoldi moliyalashtirish kreditlari uchun tijorat banklariga 164,5 million dollari miqdorida moliyaviy resurs ajratilgan.
Agentlik tomonidan eksport qiluvchi korxonalarga ko‘rsatilgan moliyaviy yordamlar natijasida 2,7 milliard dollar miqdorida eksport amalga oshirilishiga erishilgan.
2023-yilda ham eksport qiluvchi tashkilotlarga 639,3 milliard so‘m miqdorida moliyaviy yordam ko‘rsatiladi. Eksportga yo‘naltirilgan mahsulotlarni eksport qilishda tashish xarajatlarining bir qismini qoplab berish uchun:
- 418 milliard so‘m miqdorida moliyaviy yordam ko‘rsatiladi;
- sug‘urta xizmatlaridan foydalanganda 42 milliard so‘m miqdorida sug‘urta mukofoti xarajatlari qoplab beriladi;
- xalqaro standart va sertifikatni joriy qilish, taqdimotlar va reklama kompaniyalarini o‘tkazish bo‘yi hamda mahalliy korxonalarning xalqaro ko‘rgazma va yarmarkalarda ishtirok etishini ta’minlash uchun 178 milliard so‘m moliyaviy yordam ko‘rsatilishi rejalashtirilgan.
Izoh (0)