Namangandagi “Afsonalar vodiysi” bog‘ida Yangi yil bayrami arafasida 5,8 tonna palov damlandi. Bu haqda “Daryo” muxbiri Azizbek Abduvaliyev xabar bermoqda.
Taomni tayyorlash uchun 15 nafar malakali oshpaz jalb qilindi, 1,5 tonna gurunch ishlatildi.
Taom tayyorlashga 30-dekabr kuni kechki payt kirishilib, 31-dekabr kuni soat 11.00 atrofida tarqatish boshlandi.
Bayram oshi shifoxonalar, “Saxovat”, “Mehribonlik” va nogironlik uylari hamda ehtiyojmand oilalarga tarqatildi.
Bayram oshini tarqatish oldidan qozon atrofida viloyat hokimi Shavkat Abdurazzaqov va sektor rahbarlari jamlandi.
Nuroniylar kelgusi yil fayz-barakali kelishini tilab, duo-fotiha qildi. Palov maxsus idishlarga solinib, avtomashinalarda belgilangan manzillarga yetkazildi.
Izoh (0)