AQSH Kongressi Vakillar palatasining Daromadlar va xarajatlar qo‘mitasi mamlakatning 45-prezidenti Donald Trampning o‘zi oshkor qilishdan bosh tortgan soliq deklaratsiyasini e’lon qildi. Bu haqda Associated Press xabar berdi.
Nashr etilgan hujjatlar 2015—2020 yillarga tegishli. Ular olti mingga yaqin sahifani o‘z ichiga oladi: 2,7 ming sahifadan ko‘prog‘i Tramp va uning rafiqasi Melaniyaning shaxsiy deklaratsiyasiga bag‘ishlangan, uch mingdan ortig‘i Tramp biznes tuzilmalarining soliqlaridan iborat. Deklaratsiyalardagi ba’zi ma‘lumotlar, masalan, ijtimoiy sug‘urta raqamlari va bank hisoblari yashiringan. Ushbu ma’lumot tufayli hujjatlarni chop etish qoldirilgan. Dastlab, qo‘mita ularni 20 dekabrda nashr etmoqchi edi.
Deklaratsiya ko‘zdan kechirilgach, 2017 va 2020-yillarda prezidentligining birinchi va oxirgi yilida Tramp juda kam soliq to‘lagani, siyosatchi daromadi kamligini aytgani va bu soliq miqdorini kamaytirishga yordam bergani aniqlandi. Bundan tashqari, Tramp prezidentlik faoliyati davrida uning xorijiy banklarda, jumladan, 2015—2017 yillarda Xitoyda hisob raqamlari bo‘lgan.
Tramp na saylov kampaniyasi, na prezidentlikka kelganidan beri soliq deklaratsiyasini moliyaviy ahvoli sabab olib borilayotgan tekshiruvlarga asoslanib e’lon qilmagan. U 1970-yillarning boshidan beri soliq ma’lumotlarini oshkor etishdan bosh tortgan birinchi AQSH prezidenti bo‘ldi. Bunday ma’lumotlar Richard Niksondan boshlab mamlakatning barcha rahbarlari tomonidan nashr etilgan.
2019-yilda kongressmenlar AQSH soliq ma’muriyatidan Tramp va unga aloqador kompaniyalarning so‘nggi olti yildagi hujjatlarini ochiqlashni talab qilgan. AQSH sobiq prezidentining advokatlari sudda Trampning deklaratsiyalari e’lon qilinishiga qarshi chiqishga harakat qildi. Oliy sud esa hujjatlarni keyingi nashr qilish uchun kongressmenlarga topshirishga ruxsat berdi.
The New York Times nashri Trampni 2016-yildan beri soliq to‘lashdan bo‘yin tovlaganlikda ayblamoqda. 2018-yilda nashr sobiq prezident otasidan 413 million dollar meros qilib olganini, jumladan, soliqlar bilan “to‘g‘ridan-to‘g‘ri firibgarlik” orqali ham meros qolganini yozdi. 2020-yilda The New York Times Tramp 10 yil davomida federal daromad solig'ini to'lamaganini ta’kidladi.
Izoh (0)