Daniya razvedkasi Rossiya prezidenti Vladimir Putin qabul qilayotgan gormonal dorilarning ta’sirida Ukrainaga urush boshlagan bo‘lishi mumkinligini ma’lum qildi. Bu haqda Berlingske xabar berdi.
Daniya harbiy razvedkasida Rossiya haqida ma’lumot to‘plash guruhini boshqaruvchi Yoakim bu bo‘yicha ma’lumot bergan. “Ulug‘vorlik illyuziyasi — Putin qabul qilgan gormonal dorilarning ma’lum yon ta’siridan biri. Buni aniq ayta olmayman, lekin, bu uning Ukrainada urush boshlash qaroriga ta’sir o‘tkazgan bo‘lishi mumkin”, — deydi razvedka xodimi.
Taxminlarga ko’ra, Putin saraton kasalligi tufayli gormonal davolanishdan o‘tgan. Rossiya prezidenti matbuot kotibi Dmitriy Peskov rasman Putin saraton kasalligiga chalinmaganini ta’kidlab keladi. Yoakim prezidentning yuzida gormonal davolanish amalga oshganini ko‘rsatuvchi belgilar borligini aytgan.
O‘z navbatida, Daniya razvedka xizmati Putinning saraton kasallikdan aziyat chekayotganiga ishonmaydi. Aksincha, baxtsiz hodisalar, dzyudo va xokkey paytida olingan ko‘plab jarohatlardan keyin Putinda kuchli surunkali og’riqlar yuzaga kelgan degan qarash bor. Ijtimoiy tarmoqlarda e’tibor qaratilgan voqealar (Putinning Qizil maydonda oqsoqlanib yurishi, muzokaralar chog‘ida stolni ushlab olishi va hokazo) shu bilan izohlanadi.
“Shunisi qiziqki, bu surunkali og‘riq bo‘lib, Putin anchadan beri undan aziyat chekmoqda. Shuning uchun u o‘tirganida narsalarni mahkam ushlashga intiladi. Bu og‘riqni yengillashtiradi”, — deydi Yoakim.
Razvedkachi o‘z ma’lumotlari manbalarini oshkor qilmagan, biroq gap faqat Rossiya prezidenti ishtirokidagi videoyozuvlarni o‘rganish haqida ketayotganiga ishontirgan.
Mavzuga doir:
Izoh (0)