Shimoliy Koreya Xvanxe-Pukdo provinsiyasidagi Chungva okrugidan Yapon dengizi tomon uchta qisqa masofali ballistik raketa uchirdi. Bu haqda Yonhap xabar berdi.
Yaponiya mudofaa vazirligiga ko‘ra, snaryadlar maksimal balandligi 100 kilometr bo‘lgan 350 kilometr masofani bosib o‘tgan. Ularning barchasi Yaponiyaning iqtisodiy zonasiga kirgan. Raketa sinovlaridan so‘ng samolyotlar yoki kemalarga zarar yetkazilgani haqida xabar berilmagan.
Janubiy Koreya 31-dekabr kuni qattiq yoqilg‘ida ishlaydigan raketani muvaffaqiyatli sinovdan o‘tkazdi.
18-dekabr kuni Shimoliy Koreya razvedkachi harbiy sun’iy yo‘ldosh tizimlarini ikkita o‘rta masofaga mo‘ljallangan ballistik raketalarda sinovdan o‘tkazdi.
23-dekabr kuni Pxenyan qattiq yoqilg‘i dvigateliga ega ikkita ballistik raketa uchirdi.
26-dekabr kuni esa Shimoliy Koreyaning beshta droni demarkatsiya chizig‘ini kesib o‘tib, Janubiy Koreya hududiga kirdi.
31-dekabrdagi (bugungi) raketa uchirilishidan tashqari, KXDR 2022-yilda 38 marta ballistik raketalarni sinovdan o‘tkazdi, jami 70 ga yaqin raketa uchirdi. Pxenyan, shuningdek, uch marta qanotli raketalarni sinovdan o‘tkazdi, artilleriya otishmalarini, havo kuchlari mashqlarini olib bordi.
Izoh (0)