Ilon Mask 200 milliard dollardan ko‘proq mablag‘ yo‘qotgan dunyodagi birinchi odamga aylandi. Bu haqda Bloomberg xabar berdi.
Milliarderning boyligi Tesla kompaniyasi aksiyalari tushib ketgani sababli kamaygan. Maskning boyligi 2021-yil 21-noyabrda eng yuqori ko‘rsatkich 340 milliard dollarga yetgandi. Dekabr oyining so‘nggi haftalarida Maskning sof boyligi Tesla aksiyalarining pasayishi tufayli 137 milliard dollarga tushgan.
So‘nggi haftada Tesla narxi 85 milliard dollarga pasaygan, kompaniyaning bozor kapitallashuvi esa 390 milliard dollarga tushgan. 2022-yilda Tesla narxi uch barobarga pastlab, yanvarda 1,2 trillion dollarga baholangan.
2021-yilda Ilon Mask dunyoda boyligi 200 milliard dollarga yetgan ikkinchi odamga aylangandi. Bunday ko‘rsatkichga birinchi bo‘lib milliarder va Amazon asoschisi Jeff Bezos erishgan.
Izoh (0)