АҚШда Трампнинг 6 000 саҳифалик солиқ декларацияси эълон қилинди

АҚШ Конгресси Вакиллар палатасининг Даромадлар ва харажатлар қўмитаси мамлакатнинг 45-президенти Дональд Трампнинг ўзи ошкор қилишдан бош тортган солиқ декларациясини эълон қилди. Бу ҳақда Associated Press хабар берди.

Нашр этилган ҳужжатлар 2015—2020 йилларга тегишли. Улар олти мингга яқин саҳифани ўз ичига олади: 2,7 минг саҳифадан кўпроғи Трамп ва унинг рафиқаси Меланиянинг шахсий декларациясига бағишланган, уч мингдан ортиғи Трамп бизнес тузилмаларининг солиқларидан иборат. Декларациялардаги баъзи маълумотлар, масалан, ижтимоий суғурта рақамлари ва банк ҳисоблари яширинган. Ушбу маълумот туфайли ҳужжатларни чоп этиш қолдирилган. Дастлаб, қўмита уларни 20 декабрда нашр этмоқчи эди.

Декларация кўздан кечирилгач, 2017 ва 2020 йилларда президентлигининг биринчи ва охирги йилида Трамп жуда кам солиқ тўлагани, сиёсатчи даромади камлигини айтгани ва бу солиқ миқдорини камайтиришга ёрдам бергани аниқланди. Бундан ташқари, Трамп президентлик фаолияти даврида унинг хорижий банкларда, жумладан, 2015—2017 йилларда Хитойда ҳисоб рақамлари бўлган.

Трамп на сайлов кампанияси, на президентликка келганидан бери солиқ декларациясини молиявий аҳволи сабаб олиб борилаётган текширувларга асосланиб эълон қилмаган. У 1970 йилларнинг бошидан бери солиқ маълумотларини ошкор этишдан бош тортган биринчи АҚШ президенти бўлди. Бундай маълумотлар Ричард Никсондан бошлаб мамлакатнинг барча раҳбарлари томонидан нашр этилган.

2019 йилда конгрессменлар АҚШ солиқ маъмуриятидан Трамп ва унга алоқадор компанияларнинг сўнгги олти йилдаги ҳужжатларини очиқлашни талаб қилган. АҚШ собиқ президентининг адвокатлари судда Трампнинг декларациялари эълон қилинишига қарши чиқишга ҳаракат қилди. Олий суд эса ҳужжатларни кейинги нашр қилиш учун конгрессменларга топширишга рухсат берди.

The New York Times нашри Трампни 2016 йилдан бери солиқ тўлашдан бўйин товлаганликда айбламоқда. 2018 йилда нашр собиқ президент отасидан 413 миллион доллар мерос қилиб олганини, жумладан, солиқлар билан «тўғридан-тўғри фирибгарлик» орқали ҳам мерос қолганини ёзди. 2020 йилда The New York Times Трамп 10 йил давомида федерал даромад солиғини тўламаганини таъкидлади.

Мавзуга доир: Оқ уй томонидан бериладиган ёрдам эвазига 200 дан ортиқ компания Дональд Трампга бир неча миллион доллар тўлагани маълум бўлди