AQSH Federal qidiruv byurosi (FQB) 2020-yilgi saylovlardan sal avvalroq amaldagi davlat rahbari Jo Baydenning o‘g‘li haqidagi “noqulay” axborotni senzura ostiga olgan, u Xanter Baydenning noutbuki haqidagi ish bilan bog‘liq bo‘lgan. Bu haqda AQSH sobiq prezidenti Donald Tramp o‘zining Truth Social ijtimoiy tarmog‘ida yozdi.
“Hozirgina ma’lum bo‘lishicha, Xanter Baydenning ishi bo‘yicha ‘surishtiruv olib borayotgan’ FQB boshqarmasi 2020-yilgi saylovlar oldidan barcha yomon ma’lumotlarni maxfiy saqlash uchun senzura xususiyatiga ega ko‘plab so‘rovlarni jo‘natgan ekan”, — deya qayd etdi u.
Uning so‘zlariga ko‘ra, FQB Xanter Bayden badnom bo‘lmasligi uchun ter to‘kkan. Tramp yuzaga kelgan vaziyatni “g‘azabni keltiradigan sharmandalik” deb atadi.
Jo Baydenning o‘g‘liga tegishli noutbukdagi ma’lumotlar haqida birinchi marta The New York Times gazetasi 2020-yil oktabrida xabar bergan edi.
Maqolada aytilishicha, Xanter Bayden o‘z otasi, o‘sha paytda AQSH vitse-prezidenti bo‘lgan Jo Baydenni Ukrainaning Burisma energiya kompaniyasi top-menejeri Vadim Pojarskiy bilan tanishtirib qo‘ygan, bir yildan keyin esa Jo Bayden Ukraina hukumatiga bosim o‘tkazib, kompaniya faoliyati ustidan olib borilayotgan tekshiruvga aralashishni va bosh prokurorni ishdan haydashni so‘ragan. Xanterning o‘zi Burisma direktorlar kengashi a’zosi bo‘lgan.
Maqola Xanterning Vadim Pojarskiy bilan elektron yozishmalariga asoslangan. O‘z xatlarida Pojarskiy go‘yoki kichik Baydenga uning otasi bilan uyushtirilgan uchrashuv uchun minnatdorlik bildirgan va u o‘z lavozimidan Burisma’ga yordam berish uchun qanday foydalana olishi mumkinligini so‘ragan.
Gazeta ma’lumotlariga ko‘ra, bu yozishma Delaver shtatida tuzatish uchun ustaxonaga berilgan kompyuterning qattiq diskidan olingan va FQBga topshirilgan.
Eslatib o‘tamiz, Ilon Mask Jo Baydenning o‘g‘li bilan bog‘liq mojaroning Twitter tomonidan xaspo‘shlanishi bo‘yicha hujjatlarni e’lon qilgan edi.
Ma’lum bo‘lishicha, Twitter Baydenlar va Ukrainaning Burisma energiya kompaniyasi o‘rtasidagi aloqalar haqidagi axborotni bekitish uchun “favqulodda choralar” ko‘rgan. Xususan, 2020-yil oktabrida New York Post nashrida bu ish haqida hamda kichik Bayden tomonidan unutib qoldirilgan va nozik axborotni o‘z ichiga olgan noutbukdan sizib chiqqan ma’lumotlar haqida xabarlar paydo bo‘lishi bilan, tvitlarni o‘chirish haqida so‘rovlar kelib tushgan — bu odatiy amaliyot sifatida qabul qilingan.
Shuningdek, bunday xabarlar “xavfsiz bo‘lmagan ma’lumot” deb belgilangan, to‘g‘ridan-to‘g‘ri havolalar esa bloklangan.
Avvalroq AQSH Kongressi Vakillar palatasining nazorat qo‘mitasi mamlakat prezidenti Jo Baydenning oilasi 50 ta davlatda biznes yuritmoqchi bo‘lganini aniqlagan edi. Ta’kidlanishicha, AQSH prezidentining o‘g‘li Xanter dunyo bo‘ylab biznes aloqalarini yo‘lga qo‘ygan. Unga oilasining a‘zolarini kirishini ta‘minlash orqali millionerga aylanishi mumkin. Boshqa narsalar qatorida, Xanter odam savdosi bilan aloqador bo‘lishi va uning kompyuterida bunga oid dalillar borligi aytilmoqda. Oq uy mazkur ma’lumotlar ochiqlanmasligi uchun 250 ming dollardan ortiq mablag‘ sarflagani qayd etilgan.
Izoh (0)