Yosh ijodkorlarinng an’anaviy respublika seminarida 85 nafar yosh ijodkorlarning ishtiroki ta’minlanib, ularga 3000 ga yaqin kitoblar jamlanmasi tarqatildi. Seminar doirasida 25 nafar yosh ijodkorning “Birinchi kitobim” loyihasida nashr etilgan ilk to‘plamlari taqdimoti o‘tkazildi.
“Birinchi kitobim”, “Adib va jamiyat”, “Nazm bo‘stoni”, “Tanlangan asarlar”, “Nasr gulshani”, “Shoir va zamon”, “Adabiy meros” loyihalarida jami 120 dan ortiq nomdagi kitoblar chop etildi.
9-fevral kuni Navoiy nomidagi xalqaro jamoat fondi bilan hakorlikda “Navoiy va Sharq Renessansi” mavzusidagi simpozium o‘tkazildi. Unda o‘zbek navoiyshunoslari bilan birga AQSH, Rossiya, Turkiya, Ozarbayjon, Tojikiston kabi xorijiy mamlakatlardan ham atoqli olimlar qatnashdi.
“Adabiy do‘stlik – abadiy do‘stlik doirasida” O‘zbekiston Yozuvchilar uyushmasi tomonidan tashkil etilgan tadbirlarga 70 nafar xorijiy mehmon ishtirok etgan bo‘lsa, 29 nafar o‘zbekistonlik shoir va yozuvchi xorijiy safarlarga jo‘natildi.
Respublika miqyosida o‘tkazilayotgan “Kitob aksiyasi” loyihasi doirasida 244, 4 mingdan ortiq kitoblar tarqatildi.
“Turkiy adabiyot xazinasidan” nomli 100 jildlik asarlar majmuasi nashr etildi, shuningdek, “Qoraqalpoq adabiyoti durdonalari” ko‘p jildlik asarlar majmuasining 16 jildlik kitoblari tayyorlanib, nashrga topshirildi.
Adiblar xiyobonida Oliy va o‘rta maxsus ta’lim vazirligi bilan hamkorlikda “Ilhom” mukofoti tanlovi joriy yil 20 may kuni yuqori saviyada o‘tkazildi.
Yosh shoirlar uchun “Xiyobon oqshomlari” loyihasi bo‘yicha adabiy kechalar Adiblar xiyobonida bir oyda ikki marta, Respublikaning barcha hududlarida har oyda bir marta – jami 188 marta tashkil etildi.
5 avgust kuni Qurolli Kuchlar akademiyasida Mudofaa va Madaniyat vazirliklari bilan hamkorlikda “Mard askarga sovg‘a” rukni ostida chop etilgan 11 nomdagi ixcham kitoblar to‘plami taqdimoti o‘tkazildi.
Iyun oyida Xorazm, Toshkent viloyati va poytaxtimizda “Qoraqalpoq adabiyoti kunlari” tashkil etildi.
Xalqimizning taniqli farzandi, iste’dodli shoir, tarjimon va dramaturg Usmon Nosir tavalludining 110 yilligini keng nishonlandi, shoirning “Tanlangan asarlar”i, “Zamondoshlar xotirasida” to‘plami nashr etildi.
O‘zbek tili kuni bayrami, O‘zbekiston Respublikasi Konstitusiyasi qabul qilinganining 30 yilligi, Madhiya kuni bayramlari keng nishonlandi.
Turkiy tilli davlatlar yosh ijodkorlari o‘rtasida nasr, nazm, dramaturgiya, badiiy publisistika, badiiy tarjima, bolalar adabiyoti va adabiy tanqid yo‘nalishlaridagi “Zarkent seminari” o‘tkazildi.
Adabiy yo‘nalishlar bo‘yicha “Yilning eng yaxshi asari” respublika tanlovi tashkil etildi.
2022-yil davomida Uyushma va uning hududiy bo‘limlari tomonidan 1036 tadan ziyod madaniy-ma’rifiy tadbirlar o‘tkazildi. Shundan, 119 nafar yozuvchi va shoirlarning tavallud sanalari munosabati bilan ijodiy va xotira kechalari, 337 ta yangi kitoblar taqdimoti, 104 ta ijodiy tanlov tashkil etildi.
Tashkilotlar, mahallalar, ta’lim muassasalarida hamkorlikda tashkil etilgan 50 mingga yaqin ma’naviy-ma’rifiy, targ‘ibot tadbirlarida 420 nafar ijodkorlar ishtiroki ta’minlandi. Shulardan 102 nafarini poytaxtda ijod qilayotgan taniqli shoir va yozuvchilar tashkil etadi.
2023-yilda amalga oshiriladigan vazifalar nimalardan iborat?
Harbiy xizmatchilar va ularning oila a’zolari, yoshlar, shuningdek, professional ijodkorlar va shoirlar o‘rtasida Vatan himoyachilariga bag‘ishlangan “Posboniman muqaddas yurtning” vatanparvarlik mavzusidagi insho va she’riy asarlar tanlovi o‘tkaziladi.
Turk dunyosi yozuvchilari uyushmasi bilan hamkorlikda Navoiy shahrida turkiy xalqlar vakillari ishtirokida “Mumtoz she’riyat” festivalini tashkil etiladi.
Buyuk shoir, tarixchi, geograf, davlat arbobi, iste’dodli sarkarda Zahiriddin Muhammad Bobur tavalludining 540 yilligi, O‘zbekiston xalq shoiri G‘afur G‘ulom tavalludining 120 yilligi, O‘zbekiston xalq yozuvchisi Sarvar Azimov tavalludining 100 yilligi mamlakat miqyosida keng nishonlanadi.
Shuningdek, taniqli adiblar tavalludlarining 60,70,80, 90 yilligi rejaga asosan nishonlanadi.
“Jahon bolalar adabiyoti durdonalari” nomli 200 ta kitobdan iborat seriyani nashrga tayyorlash ishlari boshlanadi. “Do‘rmon bahori” xalqaro adabiy forumini o‘tkaziladi.
O‘zbek adabiyotining xorijiy tarjimonlari ishtirokida “Ikki daryo orasi” xalqaro adabiy festivalini o‘tkaziladi.
O‘zbekiston Yozuvchilar uyushmasi tomonidan har oyda ikki marotaba “Xiyobon oqshomlari” madaniy-ma’rifiy tadbirini tashkil etib boriladi.
Zomin tumanida an’anaviy tarzda tashkil etib kelinayotgan nasr, nazm, dramaturgiya, badiiy publisistika, badiiy tarjima, bolalar adabiyoti va adabiy tanqid yo‘nalishlaridagi an’anaviy “Zomin seminari”ni o‘tkaziladi.
“Adib va jamiyat”, “Adabiy do‘stlik – abadiy do‘stlik”, “Tanlangan asarlar”, “Birinchi kitobim”, “Nasr gulshani”, “Nazm bo‘stoni”, “Mard askarga sovg‘a” kabi loyihalarda kitoblar nashr etiladi.
“Kitob aksiyasi” loyihasi doirasida mamlakatimizdagi ta’lim muassasalari, mahallalar, harbiy qismlarga Uyushma tomonidan nashr etilgan kitoblar bepul yetkazib beriladi.
Adiblar xiyobonida ijodkorlar hayoti va ijodiga bag‘ishlab yangi chop etilgan badiiy adabiyotlarning taqdimotini tashkil etib boriladi.
Izoh (0)