Odam savdosi jinoyati bo‘yicha xalqaro qidiruvda bo‘lgan ayol Kuala-Lumpurdan Toshkentga ekstraditsiya qilindi, deb xabar bermoqda Interpolning O‘zbekistondagi Milliy markaziy byurosi.
Ma’lum qilinishicha, qidiruvda bo‘lgan ayol Malayziyada uzoq vaqt yashirinib yurgan.
Uni qo‘lga olish Toshkent Interpol va Kuala-Lumpur Milliy markaziy byurolarining hamkorlikdagi harakatlari va tezkor-axborot kuzatuvi hamda O‘zbekistonning Malayziyadagi elchixonasi vakillarining bevosita yordami bilan amalga oshirildi.
Ushbu idoralar xodimlari tomonidan olib borilgan samarali harakatlar natijasida Malayziya hukumati tomonidan qidirilayotgan shaxsni ekstraditsiya qilish to‘g‘risidagi qaror qabul qilingunga qadar gumon qilinuvchini qo‘lga olish va hibsga olishga muvaffaq bo‘ldi.
Ekstraditsiya masalasining ijobiy ko‘rib chiqilishi natijasida qidiruvda bo‘lgan ayol Toshkentga olib kelish uchun O‘zbekiston huquq-tartibot idoralari xodimlariga topshirildi. Endilikda unga nisbatan qonun doirasida jazo belgilanadi.
Sentabr oyida ham odam savdosi bilan shug‘ullangani uchun qidiruvda bo‘lgan o‘zbekistonlik ayol Kuala-Lumpurdan Toshkentga ekstraditsiya qilingandi.
Mavzuga doir: O‘zbekistondagi moliyaviy piramidaga 2 mln dollar tikib, 2 mingdan ortiq fuqaroni aldagan shaxs chet elda qo‘lga olindi
Izoh (0)