O‘zbekiston jahon tillari universitetiga qarashli 0,5 gektar yer maydoni Toshkent viloyati tasarrufiga qaytarildi. Bu haqda viloyat hokimligi matbuot xizmati xabar berdi.
Ma’lum qilinishicha, universiteti rektorining murojaati, Kadastr agentligi Toshkent viloyati boshqarmasining taqdimnomasiga ko‘ra, Parkent tumani, “Boshqizilsoy” massivida joylashgan 0,5 gektar yer maydoni davlat zaxirasiga qaytarilmoqda.
Mazkur yer maydoni 1973-yilda Yuqori Chirchiq tuman deputatlar soveti ijroiya qo‘mitasining qarori bilan Respublika rus tili va adabiyoti pedagogika instituti (hozirgi O‘zbekiston davlat jahon tillari universiteti)ga “Sog‘lomlashtirish va dam olish maskani” qurilishi uchun ajratilgan.
Mazkur bo‘sh turgan qishloq xo‘jaligiga mo‘ljallangan yer maydoni kelgusida belgilangan tartibda samarali foydalanish uchun zahiraga qaytarildi.
Bu haqda 27-dekabr kuni viloyat hokimi Zoyir Mirzayevning tegishli qarori imzolandi.
Izoh (0)