Ёш ижодкорлариннг анъанавий республика семинарида 85 нафар ёш ижодкорларнинг иштироки таъминланиб, уларга 3000 га яқин китоблар жамланмаси тарқатилди. Семинар доирасида 25 нафар ёш ижодкорнинг «Биринчи китобим» лойиҳасида нашр этилган илк тўпламлари тақдимоти ўтказилди.
«Биринчи китобим», «Адиб ва жамият», «Назм бўстони», «Танланган асарлар», «Наср гулшани», «Шоир ва замон», «Адабий мерос» лойиҳаларида жами 120 дан ортиқ номдаги китоблар чоп этилди.
9 февраль куни Навоий номидаги халқаро жамоат фонди билан ҳакорликда «Навоий ва Шарқ Ренессанси» мавзусидаги симпозиум ўтказилди. Унда ўзбек навоийшунослари билан бирга АҚШ, Россия, Туркия, Озарбайжон, Тожикистон каби хорижий мамлакатлардан ҳам атоқли олимлар қатнашди.
«Адабий дўстлик – абадий дўстлик доирасида» Ўзбекистон Ёзувчилар уюшмаси томонидан ташкил этилган тадбирларга 70 нафар хорижий меҳмон иштирок этган бўлса, 29 нафар ўзбекистонлик шоир ва ёзувчи хорижий сафарларга жўнатилди.
Республика миқёсида ўтказилаётган «Китоб акцияси» лойиҳаси доирасида 244, 4 мингдан ортиқ китоблар тарқатилди.
«Туркий адабиёт хазинасидан» номли 100 жилдлик асарлар мажмуаси нашр этилди, шунингдек, «Қорақалпоқ адабиёти дурдоналари» кўп жилдлик асарлар мажмуасининг 16 жилдлик китоблари тайёрланиб, нашрга топширилди.
Адиблар хиёбонида Олий ва ўрта махсус таълим вазирлиги билан ҳамкорликда «Илҳом» мукофоти танлови жорий йил 20 май куни юқори савияда ўтказилди.
Ёш шоирлар учун «Хиёбон оқшомлари» лойиҳаси бўйича адабий кечалар Адиблар хиёбонида бир ойда икки марта, Республиканинг барча ҳудудларида ҳар ойда бир марта – жами 188 марта ташкил этилди.
5 август куни Қуролли Кучлар академиясида Мудофаа ва Маданият вазирликлари билан ҳамкорликда «Мард аскарга совға» рукни остида чоп этилган 11 номдаги ихчам китоблар тўплами тақдимоти ўтказилди.
Июнь ойида Хоразм, Тошкент вилояти ва пойтахтимизда «Қорақалпоқ адабиёти кунлари» ташкил этилди.
Халқимизнинг таниқли фарзанди, истеъдодли шоир, таржимон ва драматург Усмон Носир таваллудининг 110 йиллигини кенг нишонланди, шоирнинг «Танланган асарлар»и, «Замондошлар хотирасида» тўплами нашр этилди.
Ўзбек тили куни байрами, Ўзбекистон Республикаси Конститусияси қабул қилинганининг 30 йиллиги, Мадҳия куни байрамлари кенг нишонланди.
Туркий тилли давлатлар ёш ижодкорлари ўртасида наср, назм, драматургия, бадиий публисистика, бадиий таржима, болалар адабиёти ва адабий танқид йўналишларидаги «Заркент семинари» ўтказилди.
Адабий йўналишлар бўйича «Йилнинг энг яхши асари» республика танлови ташкил этилди.
2022 йил давомида Уюшма ва унинг ҳудудий бўлимлари томонидан 1036 тадан зиёд маданий-маърифий тадбирлар ўтказилди. Шундан, 119 нафар ёзувчи ва шоирларнинг таваллуд саналари муносабати билан ижодий ва хотира кечалари, 337 та янги китоблар тақдимоти, 104 та ижодий танлов ташкил этилди.
Ташкилотлар, маҳаллалар, таълим муассасаларида ҳамкорликда ташкил этилган 50 мингга яқин маънавий-маърифий, тарғибот тадбирларида 420 нафар ижодкорлар иштироки таъминланди. Шулардан 102 нафарини пойтахтда ижод қилаётган таниқли шоир ва ёзувчилар ташкил этади.
2023 йилда амалга ошириладиган вазифалар нималардан иборат?
Ҳарбий хизматчилар ва уларнинг оила аъзолари, ёшлар, шунингдек, профессионал ижодкорлар ва шоирлар ўртасида Ватан ҳимоячиларига бағишланган «Посбониман муқаддас юртнинг» ватанпарварлик мавзусидаги иншо ва шеърий асарлар танлови ўтказилади.
Турк дунёси ёзувчилари уюшмаси билан ҳамкорликда Навоий шаҳрида туркий халқлар вакиллари иштирокида «Мумтоз шеърият» фестивалини ташкил этилади.
Буюк шоир, тарихчи, географ, давлат арбоби, истеъдодли саркарда Заҳириддин Муҳаммад Бобур таваллудининг 540 йиллиги, Ўзбекистон халқ шоири Ғафур Ғулом таваллудининг 120 йиллиги, Ўзбекистон халқ ёзувчиси Сарвар Азимов таваллудининг 100 йиллиги мамлакат миқёсида кенг нишонланади.
Шунингдек, таниқли адиблар таваллудларининг 60,70,80, 90 йиллиги режага асосан нишонланади.
«Жаҳон болалар адабиёти дурдоналари» номли 200 та китобдан иборат серияни нашрга тайёрлаш ишлари бошланади. «Дўрмон баҳори» халқаро адабий форумини ўтказилади.
Ўзбек адабиётининг хорижий таржимонлари иштирокида «Икки дарё ораси» халқаро адабий фестивалини ўтказилади.
Ўзбекистон Ёзувчилар уюшмаси томонидан ҳар ойда икки маротаба «Хиёбон оқшомлари» маданий-маърифий тадбирини ташкил этиб борилади.
Зомин туманида анъанавий тарзда ташкил этиб келинаётган наср, назм, драматургия, бадиий публисистика, бадиий таржима, болалар адабиёти ва адабий танқид йўналишларидаги анъанавий «Зомин семинари»ни ўтказилади.
«Адиб ва жамият», «Адабий дўстлик – абадий дўстлик», «Танланган асарлар», «Биринчи китобим», «Наср гулшани», «Назм бўстони», «Мард аскарга совға» каби лойиҳаларда китоблар нашр этилади.
«Китоб акцияси» лойиҳаси доирасида мамлакатимиздаги таълим муассасалари, маҳаллалар, ҳарбий қисмларга Уюшма томонидан нашр этилган китоблар бепул етказиб берилади.
Адиблар хиёбонида ижодкорлар ҳаёти ва ижодига бағишлаб янги чоп этилган бадиий адабиётларнинг тақдимотини ташкил этиб борилади.
Изоҳ (0)