Ukrainaning amaldagi hokimiyati vakillari bilan kelishuvga erishish mumkin emas, dedi Rossiya tashqi ishlar vaziri Sergey Lavrov “RIA Novosti” agentligiga bergan intervyusida.
“Ukrainalik siyosatchilarning hozirgi doirasi ularning muzokara olib borishga qodir emasligi bilan hammaga yaxshi tanish. Ularning aksariyati ochiqdan-ochiq rusofoblar”, — deydi Lavrov.
Diplomatning qayd etishicha, Ukraina muloqotga tayyor emas, Rossiya esa Kiyev ilgari surgan shartlar bilan muloqotga kirishmaydi.
G‘arb davlatlari bilan hamkorlik qilish imkoniyatlari haqida gapirar ekan, vazir, agar Moskva qachondir ular bilan hamkorlikka qaytsa, bu “yangi asosda bo‘lishini, chunki eski yondashuvlar endi ishlamay qolganini” ta’kidladi.
Avvalroq Lavrov “Vashington Rossiya prezidentini jismoniy jihatdan bartaraf etish bilan” tahdid qilayotgani haqida gapirgandi.
Shuningdek, u Ukraina prezidenti Vladimir Zelenskiy go‘yoki “NATO mamlakatlarining Rossiyaga preventiv yadro zarbalari haqida kelishib olgani”ni aytdi. Vazir qayd etishicha, yadro urushida g‘oliblar bo‘lmaydi, “va u hech qachon boshlanmasligi kerak”.
Izoh (0)