Украинанинг амалдаги ҳокимияти вакиллари билан келишувга эришиш мумкин эмас, деди Россия ташқи ишлар вазири Сергей Лавров «РИА Новости» агентлигига берган интервьюсида.
«Украиналик сиёсатчиларнинг ҳозирги доираси уларнинг музокара олиб боришга қодир эмаслиги билан ҳаммага яхши таниш. Уларнинг аксарияти очиқдан-очиқ русофоблар», — дейди Лавров.
Дипломатнинг қайд этишича, Украина мулоқотга тайёр эмас, Россия эса Киев илгари сурган шартлар билан мулоқотга киришмайди.
Ғарб давлатлари билан ҳамкорлик қилиш имкониятлари ҳақида гапирар экан, вазир, агар Москва қачондир улар билан ҳамкорликка қайтса, бу «янги асосда бўлишини, чунки эски ёндашувлар энди ишламай қолганини» таъкидлади.
Аввалроқ Лавров «Вашингтон Россия президентини жисмоний жиҳатдан бартараф этиш билан» таҳдид қилаётгани ҳақида гапирганди.
Шунингдек, у Украина президенти Владимир Зеленский гўёки «НАТО мамлакатларининг Россияга превентив ядро зарбалари ҳақида келишиб олгани»ни айтди. Вазир қайд этишича, ядро урушида ғолиблар бўлмайди, «ва у ҳеч қачон бошланмаслиги керак».
Изоҳ (0)