Ukrainada nizo boshlanganiga bir yil to‘lishi arafasida BBC harbiy tahlilchilar fikrlariga asoslanib, urush 2023-yilda qanday tus olishi borasida o‘z prognozlarini e’lon qildi.
Nashr quyidagi beshta variantni keltirib o‘tdi:
- Ukraina bosib olingan hududlarning barchasini bahor oxirigacha qaytarib oladi. U holda yaqin oylarda, balki haftalarda Melitopol asosiy jangovar punktga aylanadi, shundan keyin Ukraina qurolli kuchlari Azov dengizigacha borib yetadi va Qrimni Rossiyadan uzib qo‘yadi. Rossiya taslim bo‘ladi, Ukraina, Buyuk Britaniya va AQSH esa xalqaro xavfsizlikning yangi arxitekturasini shakllantiradi;
- Rossiya hal qiluvchi qarshi hujumni amalga oshiradi va uning natijasi urushning borishida muhim omilga aylanadi, biroq Ukraina istalgan vaqtda o‘zining yangi hujumini boshlashi mumkin;
- Jangovar harakatlar sekinlashadi, ammo Ukraina g‘olib bo‘ladi. 2023-yil oxiriga kelib, Qrim to‘liq Ukraina nazorati ostiga o‘tadi;
- Ikkala tomon ham shiddatli hujumlarni amalga oshiradi. Birinchi navbatda Rossiya bor e’tiborini Donbassga qaratadi, Ukraina esa Melitopol va Lugansk viloyatini qaytarishga urinadi;
- Urush cho‘zilib ketadi va 2023-yil oxirigacha tugamaydi. Rossiya ichkarisida o‘zgarishlar yuz beradi. Elita nizodan bezor bo‘ladi. AQSH uchun Vyetnam va SSSR uchun Afg‘oniston shunday yakun topgan edi.
Mavzuga doir:
- Ikkita ssenariy bor: Rossiyaning Ukrainaga yirik hujumi aprel oyida boshlanishi mumkin — Germaniya Mudofaa vazirligi
- Yevroittifoqning parchalanishi, AQSHdagi fuqarolar urushi, “To‘rtinchi reyx”: Medvedev 2023-yil uchun o‘z prognozlarini e’lon qildi
- Zelenskiy ofisining rahbari Kiyev Qrimni 2023-yilda qaytarib olmoqchiligini ma’lum qildi
- Turkiya mudofaa vaziri: “Ukrainadagi urush 2023-yilda ham davom etadi”
Izoh (0)