Rossiya resurslari va mojaroni muzlatish istagi sababli urush 2-3 yilga cho‘zilishi mumkin. Defense Express axborot-konsalting kompaniyasi direktori Sergey Zgures bu haqda ma’lum qildi.
Tahlilchi 2023-yil Ukrainadagi urushda hal qiluvchi yil bo‘lishini ilgari surdi. “Ukrainaning urushni davom ettirishdagi salohiyati hamkorlarimiz tomonidan muntazam va ishonchli harbiy yordam ko‘rsatishiga bog‘liq. Chunki yordam Ukraina zaxiralarining to‘planishiga ta’sir qiladi. Hozir Ukraina va Rossiya keyingi harbiy harakatlar uchun kuch to‘playotgan holatda”, — deydi Zgures.
Mutaxassis Ukraina Qurolli kuchlari hujumining muvaffaqiyati va NATOning harbiy yordami hajmi o‘rtasidagi bog‘liqlik haqida gapirdi.
“Jangovar harakatlar kamida 2-3 yil davom etishini istisno qilmayman. Axir Rossiya hali ham harbiy texnikada yetarli resurslarga ega. Shu sababli Rossiya urush kechishini pastroq sur’atda olib borishi mumkin. Biroq, bunday ssenariy voqealar rivojidagi yagona holat emas. Menimcha, 2023-yil urushda hal qiluvchi, muhim yil bo‘ladi. Urush kechishi ittifoqchilar yordamiga bog‘liq bo‘ladi”, — deya qo‘shimcha qildi Zgures.
Mavzuga doir: Ukrainadagi urush 2023-yilda qanday tus oladi? BBC prognozi
Izoh (0)