Россия ресурслари ва можарони музлатиш истаги сабабли уруш 2-3 йилга чўзилиши мумкин. Defense Express ахборот-консалтинг компанияси директори Сергей Згурес бу ҳақда маълум қилди.
Таҳлилчи 2023 йил Украинадаги урушда ҳал қилувчи йил бўлишини илгари сурди. «Украинанинг урушни давом эттиришдаги салоҳияти ҳамкорларимиз томонидан мунтазам ва ишончли ҳарбий ёрдам кўрсатишига боғлиқ. Чунки ёрдам Украина захираларининг тўпланишига таъсир қилади. Ҳозир Украина ва Россия кейинги ҳарбий ҳаракатлар учун куч тўплаётган ҳолатда», — дейди Згурес.
Мутахассис Украина Қуролли кучлари ҳужумининг муваффақияти ва НАТОнинг ҳарбий ёрдами ҳажми ўртасидаги боғлиқлик ҳақида гапирди.
«Жанговар ҳаракатлар камида 2-3 йил давом этишини истисно қилмайман. Ахир Россия ҳали ҳам ҳарбий техникада етарли ресурсларга эга. Шу сабабли Россия уруш кечишини пастроқ суръатда олиб бориши мумкин. Бироқ, бундай сценарий воқеалар ривожидаги ягона ҳолат эмас. Менимча, 2023 йил урушда ҳал қилувчи, муҳим йил бўлади. Уруш кечиши иттифоқчилар ёрдамига боғлиқ бўлади», — дея қўшимча қилди Згурес.
Мавзуга доир: Украинадаги уруш 2023 йилда қандай тус олади? BBC прогнози
Изоҳ (0)