Atrofda gripp va boshqa viruslar borligida ba’zi odamlarning shamollashdan saqlana olishi ajablanarli. Shifokorlar buni immunitet tizimining o‘ziga xos xususiyatlari bilan izohlaydi — organizmning virus, bakteriya, zamburug‘ va boshqa kasalliklarga qarshi birinchi himoya chizig‘i. Elle nashri kasallikdan himoyalanish uchun bir nechta maslahatlar berib o‘tdi.
Hech kim kasal bo‘lishni yoqtirmaydi, immunitetni viruslarga sezuvchanlikdan mustahkamlamoqchi bo‘lganlar himoya tizimiga har tomonlama yordam berishi kerak. Avvalo, sovuq mavsumda gavjum joylardan qochish kerak va qo‘lni yuvmaguncha yuzga tegmaslik, keyin ularni kamida 20 soniya davomida yaxshilab ko‘piklab, yuvish lozim.
Xavotirlanishni to‘xtatish
Xafagarchilik, shubha va o‘z-o‘zini tanqid qilish sabablari hech qachon yo‘q bo‘lib ketmaydi, lekin ularga nisbatan munosabatni o‘zgartirish vaqti keldi. Agar u o‘z-o‘zidan sizni tark etmasa, mutaxassis bilan bog‘lanish lozim. Surunkali stress viruslarga qarshi kurashda immunitetni pasaytiruvchi kortizol ajralishini keltirib chiqaradi. Ushbu gormon himoya hujayralarining funksiyasini, patogenlarga qarshi asosiy himoya qiluvchi ichak va nafas yo‘llarining shilliq qavatida antitolalar darajasini pasaytiradi. Agar psixologga vaqt yoki pul bo‘lmasa, yoga, meditatsiya va chuqur nafas olish amaliyotiga vaqt topish lozim.
Ratsionga vitaminlar qo‘shish
A, B6, C, D, E vitaminlari va minerallarni kapsula yoki qo‘shimchalar sifatida qabul qilish mumkin, ammo oziq-ovqat tarkibidagi mikroelementlar organizmga ko‘p foyda keltiradi. Sabzavot, meva, dukkaklilar va yong‘oqlar immunitetni mustahkamlovchi ozuqa moddalariga to‘la. C vitamini bu masalada ayniqsa samarali hisoblanadi, shuning uchun qishda va mavsumdan tashqari sitrus mevalari, ismaloq, kivi va klyukva sog‘lom ovqatlanishni qo‘llab-quvvatlaydi. Shuni unutmaslik kerakki, sog‘lom jigar tabiiy detoksifikatsiya jarayonini ta’minlaydi, unga karam, brokkoli kabi sabzavotlar yordam beradi. Immunitet tizimini mustahkamlovchi boshqa mahsulotlar qatorida parhezshunoslar yogurt, bulg‘ori qalampiri, tovuq go‘shti, ko‘k choy, asal, sarimsoq, zanjabil, zarchavani tavsiya qiladi.
Shifobaxsh damlamalar ichish
Dorivor giyoh, rezavor va ko‘katlar nafaqat viruslarga qarshi kurashishga yordam beradi, balki tuzalishni ham tezlashtiradi. O‘simlik choylari, mevali ichimliklar va kompotlar immunitetni mustahkamlashdan tashqari viruslardan ham himoya qiladi.
Sport bilan shug‘ullanish
Muntazam jismoniy mashqlar immunitet tizimiga ijobiy ta’sir ko‘rsatishi ilmiy jihatdan isbotlangan. Jismoniy mashqlar begona yoki shikastlangan hujayralarni yo‘q qilish orqali organizmni infeksiyalardan himoya qiluvchi T-limfotsitlarni safarbar qiladi.
Uyqu sifatini oshirish
Uyquning yetishmasligi ham T-hujayralarining faolligini pasaytiradi, immunitetni va emlash vaksinalarining ta’sirini zaiflashtiradi. Belgilangan 7-8 soat uxlashga harakat qilish, bir vaqtda yotish odatlanish tavsiya etiladi. Agar ish turli vaqt zonalarida doimiy sayohat qilishni talab qilsa, sirkadik ritmni sozlash uchun yotishdan oldin 2-3 mg melatonin qabul qilish mumkin.
Quyoshda yurish
D vitamini sog‘lom immunitet tizimi uchun zarurdir, chunki u organizmga antitola ishlab chiqarishga yordam beradi. Uning yetishmasligi olimlar tomonidan nafas olish kasalliklarining asosiy sabablaridan biri sifatida tan olingan. Har kuni 10-15 daqiqalik yurish immunitetni mustahkamlash va viruslardan himoya qilish uchun zarur bo‘lgan me’yorni ta’minlaydi. Ammo yozda uni haddan tashqari oshirmaslik kerak, chunki, paradoksal ravishda, quyosh urishi organizmning himoya funksiyalarini zaiflashtiradi.
Chekishni to‘xtatish
Zararli odatlardan voz kechish kerak, chunki bu nafaqat saraton kasalligini rivojlanish xavfini oshiradi, balki immunitet tizimini ham tabiiy ravishda yo‘q qiladi. Ilm-fan shuni ko‘rsatdiki, chekish organizmning himoya qobiliyatlari samaradorligini pasaytiradi, adaptiv va tug‘ma immunitetga salbiy ta’sir qiladi va qo‘shimcha ravishda autoimmun reaksiyalar ehtimolini oshiradi.
Ko‘p suyuqlik ichish
Toza ichimlik suvining afzalliklari haqida hamma biladi, u organizmni namlik bilan ta’minlaydi, tozalaydi, qo‘llab-quvvatlaydi va umuman, hech qanday zarari yo‘q. Bundan tashqari, hamma biladiki, spirtli ichimliklarni ko‘p iste’mol qilish yaxshi natija bermasligi, bir vaqtning o‘zida immunitet tizimining ishiga putur yetkazadi.
Izoh (0)