Tashqarida havo bulutli bo‘lsa, odamni uyquchanlik qiynaydi. Qanday qilib kunni jadal boshlash va organizmni to‘g‘ri mahsulotlar bilan qish uyqusidan olib chiqish kerak? “Noviy ochag” nashri quyida ushbu savolga javob berdi.
Olma
Olma temir, magniy va C vitaminiga boy. Ushbu moddalar faollik va konsentratsiyani oshiradi. Kunning yarmida olma iste’mol qilish nafaqat ochlikni qondiradi, balki diqqatni ishga qaratishga ham yordam beradi.
Sitrus mevalar
Bu mevalar yil davomida mavjud, shuning uchun vitaminlar, kalsiy, temir, kaliy va boshqa ko‘plab foydali moddalarni nafaqat yozda, balki qish mavsumida ham olish mumkin. Sitrus mevalari faollikni yaxshilaydi, ayniqsa kun bo‘yi kompyuterda o‘tirganlar uchun. Apelsin va limonning foydali xususiyatlari cheksiz, ular oshqozon-ichak traktini rag‘batlantiradi, avitaminozning oldini oladi va yog‘ eritishini tezlashtiradi. Shunday qilib sitrus mevalari nafaqat uyg‘onishga yordam beradi, balki vazn kamaytirishni istaganlar uchun ham ajoyib yordamchidir.
Achchiq shokolad
Achchiq shokolad kalsiy, fosfor va magniyga boy. Fosfor miyani oziqlantiradi, kalsiy suyak mustahkamligini ta’minlaydi va magniy hujayra metabolizmini tartibga soladi. Asosiy ovqatdan keyin shirinlik sifatida bir bo‘lak shokolad iste’mol qilish mumkin. Ushbu moddalar faollikni oshiradi va kayfiyatni yaxshilaydi.
Choy va qahva
Ko‘k choy mukammal tetiklantiruvchidir. Qora choy tarkibida kofein va tanin mavjud bo‘lib, u bir vaqtning o‘zida energiya beradi va tinchlantiradi. Qahva haqida bilish kerak bo‘lgan asosiy narsa — u tabiiy, sut va qaymoqsiz bo‘lishi kerak.
Ismaloq
Olma kabi ismaloq ham C vitamini, temir, kaliy va magniyga boy. Bu butun organizmga ijoby ta’sir ko‘rsatadi, shuningdek, asab tizimini tinchlantiradi. Ismaloq hatto mavsumiy depressiyaga qarshi kurashda ham yordam beradi.
Izoh (0)