Farg‘ona viloyati Marg‘ilon shahridagi maktabda o‘quvchining yaqinlari o‘qituvchilarni kaltaklagani haqida xabar berilgan edi. Aybdorga qanday jazo tayinlangani ma’lum bo‘ldi.
Voqea 19-dekabr kuni 15-maktabda yuz bergandi. 7-sinf o‘quvchisi M.O. dars paytida tashqariga chiqib kelish uchun o‘qituvchisi R.T.dan ruxsat so‘ragan, lekin o‘qituvchi javob bermagan bo‘lsa-da, ruxsatsiz tashqariga chiqib ketgan.
O‘quvchi bu vaqtda o‘qituvchining “qush uyasida ko‘rganini qiladi” degan gapini eshitib, yaqinlari R.U. hamda U.R.ni chaqirib kelgan. Buning oqibatida maktab o‘qituvchilari bilan sinf xonasida o‘zaro janjal kelib chiqqandi.
Janjal oqibatida ikki nafar o‘qituvchi tan jarohati olib, shifoxonaga murojaat qilgandi.
“Sevimli” telekanalining “Zamon” informatsion dasturida xabar berilishicha, mazkur holat yuzasidan Marg‘ilon shahar IIB tomonidan tegishli tartibda tergov va surishtiruv harakatlari olib borildi. Tomonlar sayyor sudga chaqirilib, birma-bir tinglandi. Guvohlarning so‘zlari ham inobatga olindi.
Sud hukmiga ko‘ra, o‘quvchining ammasining qizi bo‘lgan U.R. Ma’muriy javobgarlik to‘g‘risidagi kodeksning 41 (haqorat qilish) va 2-moddalarida nazarda tutilgan huquqbuzarlikni sodir etganlikda aybdor deb topildi va BHMning 5 baravari ( 1,5 million so‘m) miqdorida jarimaga tortildi.
Mavzuga doir: Namanganda o‘qituvchi va maktab direktorining farzandlari mushtlashdi (video)
Izoh (0)