Intellektual mulk agentligi tomonidan o‘tkazilgan “Best IP-2022” tanlovida Veterinariya ilmiy-tadqiqot institutining modeli g‘olib bo‘ldi. Bu haqda Adliya vazirligi axborot xizmati “Daryo”ga ma’lum qildi.
Aytilishicha, mazkur tanlov har yili an’anaviy tarzda o‘tkazib kelinadi. Joriy yil uchun 26 ta ishlanma taqdim etilgan. Ular orasidan brutsellyoz antigeni va uni olish usuli nomli loyiha eng yaxshi foydali model deb topilgan.
“Mazkur antigen insonlarga hayvonlardan yuqadigan o‘ta xavfli brutsellyoz kasalligini hayvonlarda tezkor tashxis qo‘yish testi hisoblanadi. Bundan tashqari O‘zbekistonga import o‘rnida keltirilayotgan ushbu antigenlarning bemalol o‘rnini bosa oladi va to‘liq mahalliy xom-ashyo hisobidan ishlab chiqariladi ya’ni katta miqdordagi respublika byudjet mablag‘lari iqtisod qilinadi”, — dedi Veterinariya ilmiy tadqiqot instituti direktori Bozorboy Elmurodov
G‘olib bazaviy hisoblash miqdorining 25 baravari (7 million 500 ming so‘m) miqdorida pul mukofoti bilan taqdirlangan. Shuningdek, Namangan muhandislik-texnologiya instituti ikkinchi o‘rinni, Fanlar akademiyasining Mikrobiologiya institutining ishlanmasi uchinchi o‘ringa loyiq ko‘rilgan.
Izoh (0)